Ұлттық мәдениет фестивалі бастау алды

Выпуск - №49(445)   :   11.12.2020
147

Тәуелсіздіктің 29 жылдығы мен Қазақстан халқы Ассамблеясының 25 жылдық мерейтойына орай республика көлемінде «Uly dala eliniń urpaqtary» атты ұлттық мәдениетті ұлықтаған ауқымды фестиваль басталды.


Қостанай қаласындағы «Жұлдыз» домбырашылар студиясының өнерпаздары ұстазы және студия жетекшісімен

Тақырыбының өзі «сөйлеп» тұрғандай, бұл фестивальді тәуелсіз елдің еркін ұрпағының мерекеге тартуы десек те болғандай. Елімізде орын алған ахуалға байланысты фестиваль онлайн форматта ұйымдастырылды. Республика бойынша қатысуға ұсыным білдірген өнерпаздар дайындаған туындыларын бейнежазбаға түсіріп, ұйымдастырушыларға жолдады. Еліміздің өңірлерінің ең дарынды деген өнерпаздары «бас қосқан» ауқымды шарада барлығы 21 нөмір ұсынылған. Оның ішінде қазақтың халық әндері мен патриоттық рухты дәріптейтін әуендер, ұлттық бояумен өрнектелген билер, сондай-ақ аспаптар ансамбльдерінің орындауындағы танымал күйлер тағы бар.

Алматы қаласының өнерпаздары ашатын фестиваль аясында еліміздің әр өңірлерінен, Нұр-Сұлтан, Семей, Өскемен, Орал, Петропавл, Ақтау, Тараз, Қостанай, Рудный, Арқалық қалалары мен Қостанай облысының Алтынсарин, Қарабалық, Федоров аудандарынан бейнематериалдар келіп түскен. Осы тұста Қостанай қаласынан өнер көрсететін «Жұлдыз» домбырашылар студиясының фестиваль барысындағы түсіріліміне қатысу мүмкіндігіне ие болдық. Дайындығы сақадай-сай болған шәкірттерінің өнерін «Жұлдыз» студиясының аға оқытушысы Арыстанбай Өмірзақов қатаң бақылап, назарда ұстап отырды.

«Жұлдық» студиясының құрылғанына биыл 5 жыл. Аз уақыт болса да өнерпаздардың жеткен биігі аз емес. Ұлттық аспабымыз домбыраға қызығушылық танытып, «құлағында ойнамын» деген ниетпен барған қатысушылардың саны да бүгінде жүзге жеткен. Репертуарында 40-қа жуық қазақ халқыны күйлері бар аталмыш студиясының негізін қалаушы Айгүл Тимербекованың айтуынша, шәкірттерінің осы уақыт ішінде жеткен биігі мақтануға тұрарлық. Олар Қырғызстан, Ресейдің Санкт-Петербург, Еуропа елдерінен Париж төрінде өнер көрсету мүмкіндігіне ие болған. Карантин жағдайына байланысты балалардың денсаулығын сақтау мақсатында шетелге шыға алмаса да, келер жылы өзіміздің Түркістан қаласына барып, өнер көрсетуді жоспарлап отыр.

Апта соңында аяқталатын фестиваль нәтижесінде өнерпаздар жолдаған барлық бейнематериалдар біріктіріліп, Қазақстан халқы Ассамблеясының You Tube бейнехостингіндегі каналында жарияланатын болады. Қатысушылардың барлығы онлайн дипломдар мен Алғыс хаттармен марапатталмақ.


Жамал ШАУКЕН,
суретті түсірген
Әнуар БҰҚАБАЕВ

 

Реклама

Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать. 

"К педагогическому делу надо призывать, как к делу морскому, медицинскому или тому подобным, не тех, которые стремятся только обеспечить свою жизнь, а тех, которые чувствуют к этому делу и к науке сознательное призвание и предчувствуют в нём своё удовлетворение, понимая общую народную надобность".