Ұлттық ойын – бес асық

Балалардың ұлттық ойындарға деген сүйіспеншілігін арттырып, саламатты өмір салтын ұстануға тәрбиелеу мақсатында, «Біртұтас тәрбие» бағдарламасы аясында, Айсары ЖББМ «Ұлттық ойын – ұлт қазынасы» атты мектепішілік «Бес асық» ойыны өткізілді.

Ұлтымыздың ұмытылып бара жатқан дәстүрлі ойындарын жаңғырту, әсіресе бабаларымыздың ойыны «Бес тас» – көне дәуірден келе жатқан қазақ халқының ұлттық ойындарының бірі. Бұл ойын еңбек құралдары, ағаш, тас, сүйек сияқты материалдар пайдаланылатын ғасырларда пайда болған деп болжануда. Бұл ойынды кезінде жас өспірімдерден бастап ересек адамдарға дейін ойнаған екен. Ойынға керекті зат – бес кішкентай домалақ тас немесе кейде бес асық болады. Саусақ ойындары балалардың қол моторикасын, ойлау, есте сақтау, көру қабілеттерін дамытуға ықпал етеді. Сонымен қатар, бұл ойын балаларды ой түйіндеуге, шығармашылықпен жұмыс істеуге жұмылдырып, ой-өрісін кеңейтеді. Сондықтан да, ұлттық құндылықтарды жаңғырту мақсатында мектебімізде ұйымдастырылған іс-шараға 5–8-сынып оқушылары мен мұғалімдер қатысты. Нәтижесінде ойын жеңімпаздарына арнайы мадақтамалар мен сыйлықтар табысталды.

Саркын АБЕНОВА,
Айсары жалпы білім
беретін мектебінің
аға тәлімгері,
Қостанай ауданы