Ұлттық ойындардың турнирі

Қазақтың ұлттық ойындарын жаңғыртып, жас ұрпақтың қызығушылығын ояту, ұлттық құндылықтарды меңгертуге баулу мақсатында Амангелді ауданындағы «Шұғыла» балалар мен жасөспірімдер шығармашылық орталығында ұлттық ойындар турнирі өтті.

«Рухани жаңғыру» бағдарламасының «Ұлттық бірегейлікті сақтау» бағытын жүзеге асыру мақсатында ұйымдастырылған «Асығың алшысынан түссін!» тақырыбындағы турнирге мектеп оқушылары үлкен белсенділікпен ат салысты.



Іс-шараға аудандық ішкі саясат бөлімінің басшысы Нұрлыбек Тәжин, аудандық спорт мектебінің басшысы Нұрлыбек Әбдіхалықов, аудандық білім бөлімінің бас маманы Сәрсенбай Құттығожин, аудандық аурухана қызметкері Ғалым Сағитов, аудандық Жастар ресурстық орталығының басшысы Бекболат Көптілеуов қатысты.



«Шұғыла» қосымша білім беру орталығының спорт үйірме жетекшілері ұйымдастырған турнирінде аудан мектептерінің 5-8 сынып оқушылары сынға түсті. Сайыс қызықты әрі тартысты өтті. Нәтижесінде Ә.Боранбаев атындағы орта мектебінің 6-сынып оқушысы Елмаз Естияров І орынды, аталған мектептің 8-сынып оқушысы Әли Асан ІІ орынды, ал Амангелді орта мектебінің 5-сынып оқушысы Диас Хасан жүлделі ІІІ орынды иеленді.






 

Әнет ЖҰМАБЕК,
«Шұғыла» балалар мен
жасөспірімдер орталығының
көркемдік жетекші,
Амангелді ауданы