«Жұлдызды дуэт» байқауы

Қостанай қаласындаңы «Мирас» мәдениет үйінің бірінші филиалында Спандияр Көбеевтің туғанына 145 жыл толуына орай ұстаз бен шәкіртінің шығармашылығын насихаттаған «Жұлдызды дуэт» байқауы өткізілді.

Өнер додасына №15 мектеп, №122 мектеп және балалар аула клубының ұстаздары мен оқушылары қатысып, өнерлерін көрсетті. Атап өту керек, іс-шараға №115 мектепте өткізілген мектепішілік «Екі жұлдыз» байқауының жеңімпаздары Ерік Құрымбаев пен қызы Егінбай Сәмия Ерікқызы қонақ ретінде келіп, ән шырқап, қатысушыларға сәттілік тіледі.

Аталған байқау нәтижесінде 1-орынға Индира Мукашева мен оқушысы Арнұр Қуандық, 2-орынға Жадра Кадырбекова мен оқушысы Владислава Зотова, сондай-ақ Аружан Кенжегали мен оқушысы Адель Сейтжан ие болды. Ал жүлделі 3-орынды Алтын Бигазина мен оқушысы Дильнас Кирибаева және Любовь Черкасская мен оқушысы Евангелина Юшко теңдей бөлісті. Байқау жеңімпаздары естелік сыйлық пен мақтау қағазымен марапатталды.

Динара АБСАДЫКОВА,
Шолпан ЖАБАЕВА,
«Мирас» қалалық
мәдениет үйінің бірінші
филиалының қызметкерлері,
Қостанай қаласы