Мемориалдық музейге саяхат

Выпуск - №39(486) : 07.10.2021

410

Қазақтың тұңғыш ағартушы-педагогі Ы.Алтынсариннің мерейтойына орай қолға алынған жұмыс жоспарына сай Қостанай құрылыс колледжінің І курс, 9 ҒҚСП студенттері Ыбырай Алтынсарин мұражайына саяхатқа барды.

Тарих – туған жерден басталады, сондықтан әр адам өзі тұрған қаласының, елді мекенінің жері мен азаматтарының тарихы туралы білгені жөн. Осы мақсатпен құрылыс колледжінің І курс, 9 ҒҚСП студенттері Қостанай облысының тарихи-өлкетану мұражайына және ұлы ұстаз, қазақ педагогикасының негізін қалаған Ыбырай Алтынсариннің Қостанай облыстық мемориалдық музейіне барды.
Тарихи-ғылыми дерек ретіндегі ескерткіштерді, өнер туындыларын, мәдени құндылықтарды сақтап, жинақтап, ғылыми-танымдық қызмет атқаратын мекемеге саяхат барысында оқушыларға мұражай туралы түсінік берілді. Ыбырай Алтынсариннің Қостанай облыстық мемориалдық музейіне оқушыларға мұсылман оқуы, ағартушының балалық шағы мен оқуы, Ы.Алтынсарин құрастырған мектеп жүйесі, оның педагогикалық, әдеби және қоғамдық қызметі туралы айтылды.

Данагүл УРАЗБАЕВА,
Қостанай құрылыс
колледжінің қоғамдық
пәндер оқытушысы