Өлкеміздің рухани жерлеріне шолу

Выпуск - №3(551) : 24.01.2023

647

Қостанай қаласындағы «Станционный» кітапхана-филиалының қызметкерлері шағын аудан оқырмандарымен бірлесе отырып, «Біздің өлкеміздің рухани жерлері» атты әңгіме өткізді.

«Рухани жаңғыру» бағдарламасының және «Қазақстанның рухани жерлері», «Қазақстанның киелі жерлерінің географиясы» арнайы жобасының аясында ұйымдастырылған әңгіме барысында кітапханашы Қазақстанның киелі картасына Қостанай облысынан республикалық маңызы бар 10 нысан және өңірлік маңызы бар қасиетті орындарды атап өтті.

Олар: Кейкі батыр кесенесі, Амангелді Имановтың жерленген жері, Жауке батыр кесенесі, Міржақып Дулатовтың, Барақ батырдың, көрнекті қоғам қайраткері, ғалым Ахмет Байтұрсынұлы мен Ұлы дала ағартушысы Ыбырай Алтынсариннің кесенелері және т.б. Іс-шара барысында бейнеролик көрсетіліп, Қостанай облысының киелі жерлері бойынша виртуалды экскурсия ұйымдастырылды. Артынша кітапханашы кітаптар және мерзімді басылымдарда жарияланған мақалалар ұсынылған «Туған жер» тақырыбындағы кітап көрмесіне шолу жасады.

Мөлдір БАЖИРОВА,
«Станционный» кітапхана-
филиалының кітапханашысы,
Қостанай қаласы