Учительская плюс
Областная еженедельная общественная информационно-образовательная газета
Календарь
17/03/26 Вторник
Оразалы Қозыбаев атындағы Қаратал жалпы білім беретін мектебінің оқушылары мен мұғалімдері «Рухани жаңғыру» бағдарламасы аясында еліміздің рухани астанасы Түркістан қаласына барып келді.
Түркістан – күллі түркі халықтарына ортақ, әлемге әйгілі қасиетті де киелі мекен. Бұл, ең алдымен, Ислам дінін таратушыларының бірі, сопылық ілімнің негізін қалаушы, ғұлама дегдар, әулие тарихшы, ақын, философ Қожа Ахмет Яссауи жерленген өңірден басталған саяхатымыздың мақсаты – балалардың бойына рухани-патриоттық сана-сезімді қалыптастыру.
«Рухани жаңғыру» бағдарламасы аясында қолға алынған «Қазақстанның киелі жерлері» картасын түзу аса маңызды шара. Еліміздің киелі жерлері картасында Отырардың алатын орны ерекше. Ұлы Жібек жолының дархан даласына айналған өлке. Оқушылар Талай тартысқа куә болған Отырар жайлы мектеп қабырғасынан алған білімдерін сол жерде қосымша мәліметтермен толықтырды.
Киелі жерлерді аралау саяхатымызды Арыстан баб кесенесінен бастадық. Арыстан баб кесенесі – көне Отырар жеріндегі сәулет өнері ескерткіші. Түркістан халқының арасында мұсылман дінін таратушы Қожа Ахмет Яссауидің ұстазы болған Арыстан баб ата қабірінің басына салынған. Ары қарай сапарымыз Түркістан жерінде жалғасты. Атақты Әмір Темірдің пәрменімен салынған Қожа Ахмет Яссауидің кесенесі мен басқа да жүздеген қазақ бабаларымыз жерленген кесенелерінде болдық. Киелі орындарда балаларға тарихи-танымдық ақпараттар берілді. Оқушылар ер түріктің бесігі атанған қаланың бұдан өзге де қасиетті орындарында болып, тарихи жәдігерлермен жақынырақ танысу арқылы үлкен әсер алғанын да жасырмады.
– Сапарымыз дәл осындай мағыналы да мәнді болады деп ойламадым. Тарихтың қаншама жылдарына куә болған көне қалаларда болып, мектеп қабырғасында оқып білген дүниелерді өз көзімізбен көргеніме қуаныштымын. Осы сапарға дейін Түркістан дегенде Қожа Ахмет Яссауи кесенесі ғана есіме түсетін. Ал бүгін мұражайларға, әр түрлі кесенелерге барып, көзбен көріп, ерекше сезімде болып отырмын, – дейді саяхатта болған оқушылардың бірі Мансұр Жамбыл.
«Мың рет естігенше, бір рет көр» дейді емес пе. Кітаптар мен газет-журналдардан, бейнематериал арқылы көрген бір бөлек те, сол жердің атмосферасына сүңгіп, тарихи орындар орналасқан жерді өзің аралағанның жөні тіптен бөлек. Тағылымға толы сапардан көргеніміз де, білгеніміз де көп болды.
Лаура ИСМАГУЛОВА,
О.Қозыбаев атындағы
Қаратал ЖББМ аға тәлімгері,
Меңдіқара ауданы
Я непоколебимо верю, что наука и мир восторжествуют над невежеством и войной, что народы сойдутся друг с другом не для разрушения, а для созидания, и что будущее принадлежит тем, кто сделает более для страждущего человечества.
Величайшие открытия рождаются из простых наблюдений, если смотреть на мир с пытливостью ребёнка.
Наука должна служить людям, а не оставаться в стенах академий. Наука не имеет родины, потому что знание принадлежит всему человечеству.
На той ступени развития, которой мы достигли и которая обозначается именем «новейшей цивилизации», развитие наук, быть может, ещё более необходимо для нравственного благосостояния народа, чем для его материального процветания.
Учитель – это светоч нации. Ежедневным кропотливым трудом каждый из вас вносит неоценимый вклад в развитие страны. Вы сеете семена знаний в молодые сердца и растите мыслящую нацию. Ибрай Алтынсарин говорил: «Превыше всего я ценю хорошего учителя». Педагог – ключевая фигура в построении будущего страны, поэтому ему должно быть отведено достойное место в обществе.
_250x150_3cd.jpg)
_250x150_3cd.jpg)
_250x150_3cd.jpg)
