Учительская плюс

Областная еженедельная общественная информационно-образовательная газета
Календарь
07/02/23 Вторник

Ұлт ардақтысы ұлықталды

Выпуск - №15(512)   :   15.04.2022
250

«Рудный орталықтандырылған кітапхана жүйесі» Мемлекеттік тілдегі кітапхана қабырғасында «Ахмет Байтұрсынұлы – қазақ халқының ұлы көсемі» тақырыбында А.Байтұрсынұлының 150 жылдығына орай еске алу сағаты ұйымдастырылды.

Ахаңның мерейлі тойына орай қолға алынған шара, әлбетте, ұлт ардақтысының өнегелі өмірін жас ұрпаққа насихаттауды көздеді. Ол Қазақстанның қоғамдық тарихында абыройлы орынға ие Алаш зиялыларының көсемі, тұңғыш қазақ тілтанушы ғалымы, ақын, әдебиет зерттеуші ғалым, түркітанушы, публицист, педагог, аудармашы және қоғам қайраткері.

Тағылымды басқосу барысында кітапханашы Сәуле Боранбайқызы Ахмет Байтұрсынұлының рухы мен бізге қалдырған мұрасы, сондай-ақ дарабоз дарын иесі, бір басында асыл қасиеттер тоғысқан дана тұлғаның өмірі мен шығармашылығына тоқталып өтті. Іс-шарамызға арнайы қатысқан Ардагерлер кеңесінің мүшесі Жақсылық Кәкенов ағамыз ағартушының өмір жолы мен қызметіне қатысты көптеген танымдық-тағылымдық ой қалдыратын әңгімесімен бөлісіп, Ахаңның «Қарғаш» әнін орындады.

Қаламыздағы №19 орта мектептің 7-8 сынып оқушылары Ахмет Байтұрсынұлының «Оқуға шақыру», «Бұлттар», «Анама хат», «Жұртыма», «Аққу, шортан һәм шаян» өлеңдерін нақышына келтіріп оқып берді. Артынша «Бір ел – бір кітап» акциясы бойынша «Ұлтын ұлықтаған ұлы тұлға» атты кітап көрмесі ұсынылды. Ғасырға ғасыр жалғаған сайын Ахметтің шығармалары жаңа қырымен жарқырай түсіп, егемен елдің жас ұрпағының жаттап өсер жырына айналып келеді.


Гүлбараш УАЛИЕВА,
Мемлекеттік тілдегі
кітапхана меңгерушісі,
Рудный қаласы

Реклама