Білікті маман – ел болашағы

ХХІ ғасырдың жаһандану үрдісі мен ақпараттық қордың молдығынан қазіргі кезде өзгерістерге бейімделу кез келген маман иесіне аса қажетті саналады. Себебі, тез арада жаңалықтарға құлағын түріп жүретін білікті және білгір мамандар ғана алға қарай жылжып, өсіп-өркендеп, соның есебінен мемлекетті де дамытуға үлестерін қоспақ.
 

Мен де заман сұранысынан қалмай 2013 жылы Арқалық қаласында біліктілікті көтеру курсынан өткен болатынмын. Сондағы жетекшім Қостанай қаласының «Өрлеу» БАҰО» ПҚ БАИ аға оқытушысы Гүлнар Дильдабекова болды. Оның дәріс­те айтқан әрбір тәжірибесі менің есімде қалды. Араға 5 жыл салып ол кісімен тағы жолықтым. Ойымда жүрген іс еді. Бір салада жұмыс істегендіктен, қоңырау шалып, мекемемізге шақырдым. Ол оны қабыл алып, жақында балабақшамызда семинар өтті. «Ұстаздық еткен жалықпас, үйретуден балаға» демекші, ұстаз болсақ та үйренетініміз әлі көп екенін сезіндік. Тәжірибе алмасу мақсатында өткізілген педагогикалық шара жоғары деңгейде өтті. 

И.НҰРҒАБЫЛОВА, 
 «Шапағат» б/б әдіскері
Қостанай ауданы