Кәсіби қоғамдастық топ

Біліктілігін арттырушы мұғалім өзінің білімін, жалпы дүниетанымын кәсіби және әдіснамалық деңгейін жоғарлатады, әдістемелік сауаттылығын жетілдіреді.

Осыған орай, мектептің қазіргі жағдайын, мұғалімдердің жаңа білімді игеруге қаншалықты дайын екенін анықтау үшін, мен Астана қаласындағы ПШО «Көшбасшылық және шағын жинақты мектепті басқару» бағдарламасы бойынша біліктілігін арттыру курсынан өтудемін.

Курс алды тапсырмаларды орындау барысында мен  №2 Қамысты орта мектебінің мұғалімдерінен сауалнама алуды жөн көрдім. Мақсатым – мектептің шынайы жағдайын анықтап, деректерге сүйене отырып, оқу ошағының күшті, әлсіз жақтары бойынша жұмыс жасау.

Жиналған деректер шынайы болуы үшін аудитті өткізуге мектептің «Ұлағат» тобы мұғалімдер қоғамдастығының көшбасшылары  көмекке келіп, мектеп директоры А.Б. Ысқақова жұмысыма қолдау көрсетті. Жас мамандар арасында кәсіби қоғамдастық дамыту мақсатында  «Ізденіс» тобы құрылды.

Мектептегі тәжірибеде орындауға арналған тапсырмалар және рефлексиялық есеп бойынша атқарған шараларға тоқталып кетсек. Оқу мен оқыту үдерісінде бағалаудың түрлерін ұдайы  қолдау арқылы, оқу сапасын  арттыру мақсатында тақырыпқа сәйкес бірнеше коучингтер, Lesson study, дөңгелек үстел, семинарлар, тренингтер, сауалнамалар өткізіліп, көрме ұйымдастырылды. Кофе-брейк дайындап  мұғалімдер оқыту мен оқу тәжірибесіндегі  көптеген өзгерістерді талқылап, кері байланыс арқылы оқушылардың пікірлерін ескере отырып, өздерінің тәжірибелерімен бөлісіп, оқушылардың оқу үлгерімдерінің жақсарғаны туралы пікір алмасып, болашақта түзетуді қажет ететін жағдайларға тоқталып кетті.

Қорытындылай келгенде, «Жаңашыл мұғалімдердің озық тәжірибиесін тарату» барысында белсене қатысып, коу­чинг, семинарларды жоғары дәрежеде өткізе білген  мектеп тренерлерін және мұғалімдерін атап кеткім келеді: К.Е. Бисембаева, А.К. Гизатова, А.Б. Искакова, Қ.Қ. Қабдырақова,  А.К. Испулаева, С.К. Жақанова, Т.Т. Айтмағанбетова, А.Ә. Әбенова, С.Т. Жұмағұлова, С.С. Демесинова, Д.Ж. Саттыбаев, Ж.Қ. Абеуов, Г.Б. Тілеуқабылова, К.А. Мүслімова, А.Ж. Итесова, С.Қыстаубаева, А.Жеңісхан.

Сөзімді қорытындылай келе айтарым, мектептегі кәсіби қоғамдастық тобы жұмысын жандандыру барысында мұғалімдер бойынан ынтымақтастыққа, қиын кезде қол ұшын соза білуге дайын, әрқашан көмектесуге бейімділігіне көз жеткіздім.

Рахиля ТАЖИБАЕВА,
№2 Қамысты ОМ
директордың оқу-тәрбие жөніндегі  орынбасары