Логопед мамандар тәжірибе алмасты

Педагогикалық шеберлікті арттыру мақсатында №44 балабақшада логопедтер мен дефектологтарға арналған «Жалпы сөйлеу қабілеті дамымаған балалармен жұмыста сенсомоторлы интеграция элементтерін қолдану» тақырыбында қалалық семинар өтті.

Статистикаға сүйенсек, соңғы 10 жылда сөйлеу қабілеті бұзылған балалар саны 25%-ға өсті. Сондықтан психологтардың, логопедтердің және дефектологтардың педагогикалық шеберлік деңгейін арттыру мәселесінің бүгінгі күні өзектілігі жоғары. Жоғарыда аталған мамандардың тәжірибе алмасуын көздеген семинар-практикум Қостанай қаласының логопед-мұғалімдерінің әдістемелік бірлестігінің жұмыс жоспары аясында өткізіліп, мамандар жалпы сөйлеу қабілеті дамымаған балалардың сенсоромоторлы интеграциясы бойынша жұмыс жүйесі туралы толығырақ білді.

Семинар аясында педагогтер логопедтік топтардағы сабақтар мен ойындарға қатысты. №44 бөбекжайдың логопеді Д.Ақпанова сенсомоторлы интеграция элементтерін пайдалана отырып, «Ғарыштық саяхат» тақырыбында педагогтерге ашық сабақ ұйымдастырса, педагог-психолог ретінде Т.Мироевская тақырыптық шебер-сыныбын өткізді. Семинар соңында әдістемелік бірлестік жетекшісі Ю.Киричей қатысушылар үшін тимбилдинг өткізді, №44 бөбекжай-балабақшасының педагогтері семинарды рефлексиямен және әріптестермен пікір алмасумен аяқтады.

Татьяна МИРОЕВСКАЯ,
№44 б/б педагог-психологы,
Диана АҚПАНОВА,
№44 б/б логопеді,
Қостанай қаласы