Мұғалімдер іс-тәжірибесінен

Ұстаз. Осы бір ұлы сөзде қаншама сыр жатыр. Ел баласын оқыту мен тәрбиелеу­де төккен тер мен қажымас еңбегі өлшеу­сіз деуге болады. Ұстаз - ол, отбасы жүгін де бірге алып, мерекелік іс-шараларға аудан, облыс көлемінде қатысып, өзін кәсіби тұрғыдан үнемі жетілдіріп, білген үстіне білуден жалықпайтын маман.

Солардың қатарына жақында «Науырзым – құтты мекенім» атты аудандық ғылыми-тәжірибелік конференцияға қатысып, баяндама мен презентацияларын көпшілікке ұсынған Науырзым орта мектебінің әлеуметтік педагогы және өзін-өзі тану мұғалімі Г.Т. Суинбекова, тарих пәні мұғалімі Г.Ж. Батырбекова, математика пәні мұғалімі С.К. Абжанова мен бастауыш сынып оқытушысы Г.К. Султанованы атап өтуге болады.

Жаңа педагогикалық технологиялар арқылы бәсекеге қабілетті жеке тұлғаны қалыптастырудың жаңашылдығы ерекше. Ақпаратпен жұмыс істей алу білімін шыңдайды және қатынас жасау қабілетін туғызады. Өзгеше таным құралдарын пайдалануға және ұйымдастыруға жағдай жасайды. Білім беруді ақпараттық тұрғыдан қамтамасыз етеді. Оқушылар өзіне қажетті мәліметті жедел түрде алады.

Оқу ошағымыздың мамандары балалардың танымдық қызығушылығын арттыра біледі. Оқытудың ой-өрісін, дүниетанымын кеңейтеді. Алған білім негізін дамыта отырып шәкіртінің шығармашылық деңгейін шыңдап, жетістіктерге жетуіне көмектеседі.

Үнемі жаңашылдыққа жаны құмар, шәкірттерге жаңартылған білім бағдарламасы тұрғысынан сабақ беріп жүрген аталмыш ұстаздарымызға тек денсаулық, кәсіби біліктіліктеріңіз шыңдала берсін дейміз.

Гүлзада ЕРМЕКБАЕВА,
Науырзым ОМ
бастауыш сынып мұғалімі,
Науырзым ауданы