Республикалық форум жалғасын тапты

Тамыз айының 5-7 аралығында Шымкент каласында қосымша білім беру ұйымдарының республикалық форумы өтті. Атылмыш форум біздің Қостанай қаласында арнайы тақырыпта қосымша білім беру секциясымен жалғасын тапты.

Самұрат Ерікұлы өз туындысын таныстыруда

Тақырыбы: «Қостанай облысының білім беру ұйымдарында білім алушылардың психологиялық денсаулығын сақтауға және нығайтуға бағытталған психологиялық қызметтер жұмысының компоненттерін дамыту және күшейту». Мектеп кітапханашысы Ғалия Шененова «Балалар және театр» тақырыбы бойынша шебер сынып өткізді.

Оқушыларды кітапханаға тарту, әдебиетке қызықтыру мақсатында кітапхана оқырмандарымен оқылған ертегілерден қойылымдар экраннан көрсете отырып, қатысушы әріптестерімен бірге ертегілер әлеміне саяхат жасап, тәжірибесімен бөлісті. Бейнелеу өнері бөлімінің мұғалімі Самұрат Ерікұлы қатысушы әріптестерге «Дудлиниг» әдісін таныстырып, қағаз қиындыларын таратып, қағаз қиындыларынан Ахмет Байтұрсынұлының суретін бейнелеп, аудиторияны шеберлігімен тәнті етті. Бұл мектебімізге де, ауданымыз үшін де үлкен жетістік.

Өткен оқу жылында көркемөнерпаздар театры және хореографиялық ұжымдары арасында «Армандастар» балалар шығармашылығының облыстық фестиваль-байқауында мектебіміздің «Еркеназ» би ұжымы мен «Сиқырлы театр» ұжымдары қос бірдей Бас жүлдені жеңіп алды. Жыл соңында қосымша білім беру ұйымдарының жұмыстары қорытындыланып, ең үздік 10 мектеп анықталды.

Біздің Болат Хамзин атындағы өнер мектебі сол үздік ондықтың қатарынан табылып, форум аясында директорымыз Жанар Шалабай Қостанай облысының өңірлік психологиялық қолдау және қосымша білім беру орталығының директоры Елена Петренконың мадақтамасымен марапатталды.

Гүлмирам ДОСМАҒАНБЕТОВА,
Болат Хамзин атындағы өнер
мектебінің бейнелеу өнері
бөлімінің мұғалімі,
Жангелдин ауданы