Тәжірибені жетілдіруге жетелейді

Жақында, қазан айының 16-сы мен 27-сі аралығында, мектепішілік әкімшілік қолдауымен «Өрлеу» БАҰО» ұйымдастыруымен өткен облыстық мұғалімдер арасындағы біліктілікті арттыру курсына қатыстым.

Біліктілікті арттыру курстары бағдарламаларының мазмұны педагогикалық қызметтің барлық түрлерін іске асыру үшін педагогке қажетті пәндік, педагогикалық, әлеуметтік және басқа да құзыреттердің оңтайлы арақатынасын қамтитын орталық. Ахмет Байтұрсынұлының: «Ұстаз үздіксіз ізденгенде ғана шәкірт жанына нұр құя алады», – деген сөздеріне сәйкес, К.Д. Ушинскийдің: «Мұғалім үйрену барысында өмір сүреді. Ол үйренуін тоқтатқанда, оның мұғалімдігі жойылады», – деп айтқаны тағы бар. Демек, мұғалім қауымы өмір бойы үйреніп, өз біліктілігін көтеріп отыруы керек.

Курстар тыңдаушыларға дәстүрлі әдістемелер мен өзекті технологияларды біріктіруге, жұмысты өздігінен ұйымдастыруға және жоспарлауға, білім алуға және талдауға, ақпаратты іздеуге және іріктеуге, шешімдер қабылдауға, жобаларды таныстыру дағдысын қалыптастыруға мүмкіндік береді. «Бастауыш сынып мұғалімдерінің математика, қазақ тілі және әдебиеттік оқу пәндері бойынша пәндік құзыреттіліктерін дамыту» тақырыбындағы оқыту курсы барысында тәжірибесімен бөліскен тренерім Раушан Нұржанова ұстамдылығы мен талапшылдығының, іздемпаздығының арқасында көптеген тиімді әдіс-тәсілдерді көрсетіп, одан өзіме керегімді ала білдім.

Көптеген сайттардан, платформалардан ойын түрінде, уақытты тиімді пайдалану үшін әдіс-тәсілдер көрсетілді. Логикалық есептер мен тапсырмаларды тез орындауға, сабақ барысында топпен, жұппен және жеке жұмыстарды қалай тиімді жасау керектігін үйрендім. Курстың мaзмұнынa сaй, сaбaқты түрлендiру мaқсaтындa oқытудың түрлi әдiстерiн пaйдaлaнып, игi нәтижеге жетерім сөзсiз. Оған қоса, Гульжазира Смагулова «Lesson study» зерттеу сабағы бойынша алғаш білімімді аша түсті. Курс тыңдаушыларын ынталандыра отырып, сабақты қарапайым тілмен түсіндіре білді.

Болашақта осы алған білімімді өз тәжірибемде қолданамын. Сапалы білім берген «Өрлеу» біліктілікті арттыру ұлттық орталығына алғысым шексіз. Білім сапасы – мұғалімдер қызметінің сапасы. Ал, осы сапаға қол жеткізу үшін біліктілікті жетілдіру үдерісін бүгінгі күн талабына сай жаңаша ұйымдастыру – әрбір мұғалімнің басты мақсаты болуы керек деп есептеймін. Сондықтан да, сапалы ұрпақ үшін, сапалы мұғалім болу парыз.

Гүлсім ДОСЫМБЕТОВА,
Абай атындағы мектебі
бастауыш сынып мұғалімі
Рудный қаласы