Ыбырай салған ізбенен

Выпуск - №8 (455)   :   26.02.2021
236

Бейімбет Майлин атындағы №7 мектеп-гимназияда Ы.Алтынсариннің туғанына 180 жыл толуына орай педагогтер арасында «Шеберліктен табысқа!» атты пән бірлестіктерінің шеберлік байқауы өткізілді.

Қазақ халқының көгіне шыққан жарық жұлдыздардың бірі, барлық саналы ғұмырын халқының болашағына арнаған ағартушы, ұстаздардың ұстазы – Ыбырай Алтынсарин. Әдебиет сахнасынан, ағарту саласынан ойып орын алатын Ы.Алтынсарин – ұлы дала ұландарына білімнің нәрін берген ұстаз ретінде есте сақталған тұлға. Ыбырай қысқа өмірін өзі жан-тәнімен сүйген халқының бақытты болуы үшін ауадай қажет білім беру, мектеп ашу сияқты шарапаты мол зиялы іске арнады. Қараңғы түнекте қамалған халқын надандықтан құтқарып, көзін ашу, ағарту оның мәңгілік арман-мұраты болды.
Ағартушы Ыбырайдың қалдырған ізі мәңгілік, сондықтан кезінде армандап кеткен, көкжиегінен шұғыла шашқан оқушыларымызға білім нәрін сусындатып, үлгілі тәрбие беруіміз қажет. Міне, биыл ұлы ұстаздың туғанына 180 жыл толады. Осыған орай мектебімізде түрлі іс-шаралар, байқаулар ұйымдастырылып жатыр. Шеберлік байқауын өткізудегі мақсатымыз: ұстаздың педагогтік мұрасын зерделеу, тәжірибе алмасуды және оның идеяларын қазіргі білім беру жүйесінде іске асыру.
Пән бірлестік мүшелері педагог шығармаларының тәрбиелік маңызын нисихаттай отырып, қазіргі оқыту технологиясы мен Ыбырай шығармаларын байланыстыру шеберліктерін шыңдады. Әсіресе, дене шынықтыру, көркем еңбек пән бірлестік мүшелерінің ұсынған тәжірибелері ерекшеленді. Әділ қазы мүшелері мұғалімнің педагогикалық шеберлігі; Ыбырай шығармаларын байланыстыру шеберлігі; өткізген тәжірибесін талдау жасай алуы, көп мағына аз бөлшектермен жекізу шеберлігі; қойылған мақсатқа қол жеткізу және мәлімделген міндеттерді орындау бағалау критерийлері бойынша бағасын беріп, жеңімпаздары анықтады.
Ұлы ұстаздың салған ізімен жалғасын тауып жатқан ұстаздық жол – білімнің қайнар көзі. Алтынсарин атамыз айтқандай: «Маған жақсы мұғалім бәрінен де қымбат, өйткені мұғалім – мектептің жүрегі». Өзінің өнегелі өмірі, тынымсыз ізденісі, жан-жақты дарыны арқылы танылған Ыбырай Алтынсарин шығармаларының қазақ әдебиеті тарихында алатын орны орасан.


Гүлжанат ЖҰМАБАЕВА,
Б.Майлин атындағы
№7 мектеп-гимназиясы
директордың әдістеме
жөніндегі орынбасары,
Рудный қаласы

 

Реклама

Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать. 

"К педагогическому делу надо призывать, как к делу морскому, медицинскому или тому подобным, не тех, которые стремятся только обеспечить свою жизнь, а тех, которые чувствуют к этому делу и к науке сознательное призвание и предчувствуют в нём своё удовлетворение, понимая общую народную надобность".