Жаңа білім беру жүйесі аясында

Выпуск - №51(346) : 29.12.2018

165

«Болашаққа бағдар: рухани жаңғыру» бағдарламасы аясында №2 Қашар орта мектебінің информатика пәні мұғалімі Жанар Ембергенова және Жанар Өтемұратова «Әлемдік стандартқа сай мүдделі жаңа білім беру мұғалімнің жаңа кезеңге бет бұруы» тақырыбында қалалық семинар өткізді.

Ж.Ембергенова Астана қаласында «Назарбаев Зияткерлік мектептері» ДББҰ Педагогикалық шеберлік орталығы Кембридж университетінің Білім беру факультетімен бірлесіп әзірлеген Қазақстан Республикасының жалпы білім беру ұйымдары басшыларының біліктілігін арттыру бағдарламасы бойынша курсқа қатысты. Ол Альберт Эйнштейннің сөзін басшылыққа алып, «Мен еш уақытта өз оқушыларыма еш нәрсе үйретпеймін – тек қана олардың оқуы үшін жағдай жасаймын» деген ұстаныммен, жаңаша көзқараспен әдістемелік көмек көрсету және «Білім беруде жаңашылдыққа ұмтылыс жасай отырып, жаңаша оқытуды өзара талдау» мақсатында «Бәсекеге қабілетті жеке тұлғаны қалыптастыру – мұғалімнің рухани жаңғыруы аясында жүзеге асады» тақырыбында, қалалық семинар барысында, қала мектептерінің информатика пәні мұғалімдеріне арналған коучинг өткізді.

Коучинг барысында Рудный мектептерінен 17 жас информатика мұғалімдері қатысып, танысу мақсатында тренинг өткізіліп, ХХІ ғасыр мұғалімі қандай болу керек? деген мақсатта SWOT талдауы жүргізіліп, ұстаздар өз пікірлерімен бөлісті. Мұғалімдерге топтық, жұптық жұмыстарының қалай жүзеге асатынын көрсетіп, шығармашылық жұмыс берілді. Топтық жұмыс барысында «Екі жұлдыз, бір тілек» бойынша бағалау жүргізілді. Жанар Өтемұратова «Үш тілділік» бағдарламасы бойынша курстан өткен. Сол себепті жас мұғалімдерге сабақ барысында үш тілділікті қолданып, мұғалімдерге топтық жұмыс ұйымдастырып, «Шебер сынып» өткізді.

Жас мұғалімдерге ағылшын тілі, қазақ тілі және орыс тілдерінде тілек айтудан сабақты бастап, тақырыпқа байланысты бейне ролик көрсетілді. Мұғалімдер топтық жұмыспен постер қорғады. Семинар соңында жас мұғалімдерге әдістемелік көмектің пайдасы мол екендігін, ұнағандығын түсініп рахметтерін айтып, жақсы әсер алғандығы байқалды.

Мәрзия АСҚАРОВА,
№2 Қашар ОМ
математика пәні мұғалімі