Учительская плюс

Областная еженедельная общественная информационно-образовательная газета
Календарь
07/02/23 Вторник

Жаңаша білім беру – заманның талабы

Выпуск - №36 (533)   :   15.09.2022
248

Бүгінгі күн талабына сай білім беру үдерісін жаңаша ұйымдастыру ғалымдардан оның педагогикалық теориясы мен тәжірибесін терең зерттеуді, заман талаптарына қарай білім беру технологиялары мен әдістерін меңгеруді талап етеді.

Жаңаша білім беру – жаңа білім мен дағдыны меңгерген, шығармашылық қабілеті жоғары, дербес ізденіс нәтижесінде елеулі мәселелердің шешіміне қол жеткізетін, ойлау қабілетімен ерекшеленетін тұлғаны қалыптастыруды көздейді. Себебі білімді тереңдету, молайту, жетілдіру, арттыру жеке басы үшін ғана емес, қазіргі қоғамға қажет әрекет деп қабылдауымыз керек.

Таяуда Қостанай қаласы ПШО филиалы біліктілікті арттыру орталығында «Баланы ерте дамыту бағдарлары» тақырыбында педагогтердің арнайы білімдерін жетілдіру курстарын өткізді. Арқалық қаласы, Ашутасты ауылы, «Гүлдер» бөбекжайынан әдіскері ретінде ме, Гүлдана Сағынбекқызы және жас маман тәрбиеші Сембаева Акмаржан Базарбайқызы білімдерін жетілдіріп, топты басқарып басшылық еткен куратор Байсахалова Айгул Төлеубайқызына алғыстарын білдірді.

«Біліктілік» деп қандай да бір еңбектің түріне дайындалудың, дайындық дәрежесінің деңгейін айтады. Кез келген қызметкер біліктілігін ұдайы жетілдіріп отыруы қажет. Еліміздің бүгіні мен ертеңі өскелең ұрпақ еншісінде. Ал осы ұрпақты бүгінгі таңда жан-жақты, терең білімді, өз бетімен ізденуге қабілетті етіп қалыптастырудың бірден-бір жолы – баланы шығармашылыққа жетелеу. Білім – адам сапаларының өзгеруін басқаратын үрдіс болғандықтан, ол педагогикалық мамандықтың кәсіби біліктілік қабілеттерін дамытуға бағытталады. Ол белгілі бір саладағы маман болғандықтан, «адамды» – маман тұрғысынан қарау «біліктілік» ұғымына шығарады. Біліктілік – бұл білімді меңгерудегі, тәжірбиедегі білімділікті, құндылықты бейнелейтін жалпы қабілеттілік.


Гүлдана АЛМАҒАМБЕТ,
«Гүлдер» б/б әдіскері,
Арқалық қаласы
Ашутасты ауылы

Реклама