Оқу-тәрбие үрдісіндегі технологиялар

Қазіргі ақпараттандыру дәуірінде ақпараттық-коммуникативтік технологиялар құзыреттілігін арттырып, оқыту барысында пайдаланудың маңызы зор. Білім алушыны белгілі бір біліммен ғана қамтамасыз ету аздық етеді.

Білім алушының өз бетінше білім алуына, ізденуіне көп мән берілуі тиіс. Олардың кәсіптік білім алуымен қатар ізденімпаз, тапқыр, ой-өрісі жоғары, пікірін ашық білдіретін, жаңашыл ұрпақ етіп тәрбиелеу керек. Бүгінгі заман талабы – қоғамның дамуымен бірге болашақ жастарды жаңашылдыққа, іздемпаздыққа, еңбексүйгіштікке тәрбиелеу. Осы аталғандарды іске асыру үшін сабақта ақпараттық-коммуникативтік технологияларды құзыреттілігін арттырып, пайдалану маңызды болмақ.

Ақпараттық-коммуникативтік технология (АКТ) арқылы жалпы оқыту үрдісінің функциялары: оқыту, тәрбиелеу, дамыту, ақпараттық болжамдау және шығармашылық қабілеттерін дамытумен анықталады. Аталмыш технологияларды пайдалану арқылы мұғалім оқушының интелектуалдық, рухани азаматтық және басқа да адами келбетінің қалыптастыруына игі әсерін тигізеді. Бүгінгі заман талабына сай жаңа технологиялармен сабақ жүргізу барысында тақырыбыма арқау болып отырған ақпараттық-коммуникативтік технологияларды пайдалану өте тиімді.

Интернет – АКТ-ның негізгі құралы. Бастауыш білім беру мамандығының студенттері заманауи сабақ талаптарына сәйкес білім берудің ақпараттық коммуникативтік технологияларын педагогикалық оқу-өндірістік тәжірибе барысында қолдану арқылы, сапалы сабақ түрлерін көрсетуде. Атап өтсем, bilimland.kz, imektep.kz, itest.kz, trіventy.com. Қосымша ретінде студенттер негізгі пайдалы wikipedia.org, google.com, gmail.com, youtube.com және т. б. интернет ресурстарды пайдаланады.

Аталған сайттар өте пайдалы және жұмыс істеу барысында ыңғайлы болуымен ерекшеленеді. Сонымен қатар сабақтарда әр түрлі тақырыптар бойынша бейнематериалдар, деңгейлік тапсырмалар, тест тапсырмалары әзірленген. Студенттер осы сайттарды күнделікті сабақ барысында және одан тыс уақытта қолдануға тырысады. Себебі онда оқушылар үшін пәнге деген қызығушылықты арттыратындай көптеген дидактикалық материалдарды, әр түрлі деңгейдегі тест тапсырмалары, үлестірмелі материалдарды қолдануға мүмкіндіктер бар.

BilimLand, iMektep сайтын күнделікті сабаққа қолдану машықкерлер үшін өте тиімді. Жаңа сабақ өткенде жәнеде үй тапсырмасын тексергенде көп қолдану арқылы студенттердің білім, білік дағдыларын арттырумен қатар функциялық сауаттылығын қалыптастырады.

Айымгүл БОХАНОВА,
Қостанай педагогикалық
колледжінің оқытушысы,
педагогика кафедрасы