Абыройға жеткізген адал еңбек

Тәуелсіздік мерекесіне орай Астана қаласы Қазмедиа орталығында Мемлекет басшысы Қасым-Жомарт Тоқаевтың «Тәуелсіздік бәрінен қымбат» мақаласын қоғамға насихаттау мақсатында конференция өтті.

Аталған конференция барысында республикамыздағы әр саланың мамандары марапатталды. Қостанай облысы бойынша да көптеген сала мамандары құрметтелді. Біздің Амангелді жалпы білім беретін мектеп директорының ғылыми-әдістемелік жұмыстар бойынша орынбасары, химия және биология пәндерінің мұғалімі Абдикова Камшат Шөптібайқызы, «Қаламқас» бөбекжай-балабақшасының тәрбиешісі Оразбаева Света Ізбастықызы, Жангелдин ауданындағы Қаратүбек жалпы білім беретін мектебінің ағылшын тілі пәнінің мұғалімі Абдикова Гульжанат Шоптибаевна білім саласында жеткен зор жетістіктері үшін «Ыбырай Алтынсарин» төсбелгісімен марапатталды.
Сонымен қатар, олар Мемлекет басшысы Қасым-Жомарт Кемелұлы Тоқаевтың «Әділетті мемлекет. Біртұтас ұлт. Берекелі қоғам» атты Қазақстан халқына арнаған Жолдауын білім беру саласының мамандары арасында кеңінен насихаттау мақсатындағы «Қазақстанның жыл мұғалімі-2024» республикалық байқауында жеңімпаз атанып, І дәрежелі дипломдармен марапатталып, «Қазақстанның жыл мұғалімі-2024» атағын иеленді. Бұл марапат ұстаздардың педагогикалық қызметке қосқан өлшеусіз үлесі мен еліміздің білім жүйесін дамытуға сіңірген еңбегінің айқын дәлелі болып табылады.
Осындай абыройлы марапатқа ие болған Гульжанат Шоптибаевнаны, Света Ізбастықызын, Камшат Шөптібайқызын біздің Амангелді жалпы білім беретін мектебінің ұжымы атынан шын жүректен құттықтаймыз! Шәкірттеріңіз білімнің шыңдарын бағындырып, адал еңбек абыройға жеткізген қуанышты күн жалғасын таба берсін дегіміз келеді.

Амангелді жалпы білім беретін мектебінің ұжымы