Тағылымдық кездесу

Выпуск - №12(358)   :   27.03.2019
175

Жуырда С.Мәуленов атындағы гимназияда «Өлеңім менің – Ай, Күнім» деген атаумен белгілі қазақ ақыны, Қазақстан Жазушылар Одағының белді мүшесі, жазушы, драматург, көсемші-журналист, жерлесіміз Ақылбек Шаяхметпен кездесу өтті. Шараның басты мақсаты – Ақылбек Шаяхметтің өмірі мен шығармашылығымен таныстырып, жас ұрпақтың поэзияға, жерлес ақындарымызға деген сүйіспеншіліктерін арттыру. 

Тағылымдық басқосу барысында оқушылар Ақылбек Қожаұлының өмірі мен шығармашылығы, марапаттары мен қызметі жайында сөз қозғап, ақынның жауһар жырларын мәнерлеп оқыды. Айта кетер жайт, аталмыш шара жас оқырмандардың байқауы ретінде ұйымдастырылып, оған Ақылбек ағайдың өзі төрелік етті.

Байқау нәтижесінде қатысушылар үш аталмым бойынша марапатталды. Өлең оқуда актерлік шеберлік танытып, «Шебер актер» аталмында 5 «Б» сынып оқушысы Камилла Медеева («Жүрек әні»), 9 «А» сынып оқушысы Бақдәулет Өтеген («Қазақ қызы») және 7 «Б» сынып оқушысы Камилла Дускеева («Ақынға») марапатталды. Ақынның қанатты жырларын жүрекке жеткізіп, «Мәнерлеп оқудың жарқын жұлдызы» аталымына 7 «Б» сынып оқушысы Анеля Алшоразова («Атамекен»), 8 «Ә» сынып оқушысы Алина Абилкайырова («Өмір кейде әуе жолы секілді»), 8 «Ә» сынып оқушысы Аружан Жақсылықова («Ана тілім») ие болды. Және соңғы «Мәнерлеп оқудың хас шебері» аталымына 9 «А» сынып оқушысы Нұрай Нұрлан («Зағип») мен 5 «Б» сынып оқушысы Дамира Ғазиз («Ата болу бақыт екен») лайық деп танылды. Сонымен қатар, ақынның өмірі мен шығармашылығын зерделей білген 5 «Б» сынып оқушылары Аруна Абаева мен Диляра Базылкан да марапаттан құр қалмады.

Кеш барысында Ақылбек Қожаұлы жастарға сиясы әлі қанбаған өлеңдерін оқып, құнды рухани тәрбие нәрімен сусындатты. Артынша шығармашылық кеш сұрақ-жауап түрінде өрбіп, оқушылар көкейде жүрген сауалдарына нақты жауап алды. Қаламгердің пікірінше, өмірдегі басты құндылық – кемеңгер Абай атап өткен «толық адам» болып қалыптасып, нұрлы ақыл, жылы жүрек, ыстық қайрат иесі атану.


Айнұр МҰРАТҚЫЗЫ,
С.Мәуленов ат. гимназия
қазақ тілі мен әдебиеті пәнінің мұғалімі,
Қостанай қаласы

Реклама

Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать. 

"К педагогическому делу надо призывать, как к делу морскому, медицинскому или тому подобным, не тех, которые стремятся только обеспечить свою жизнь, а тех, которые чувствуют к этому делу и к науке сознательное призвание и предчувствуют в нём своё удовлетворение, понимая общую народную надобность".