Жылдың үздік ұстазы атанды

Қазақстан Республикасының Тәуелсіздік алғанына 29 жыл толды. Осы аз уақыт аралығында еліміз әр салада көптеген жетістіктерге жеткені бәрімізге мәлім. Солардың ішіндегі ең маңыздысы ғылым мен білім саласы.

«Bilim-órkenieti» ұлттық инновациялық ғылыми-зерттеу орталығымен «Жылдың үздік ұстазы-2020» атты республикалық байқау ұйымдастырылды. Байқауға республикамыздың түпкір-түкпірінің білім беру ұйымдарынан жалпы 400-ге жуық жұмыс келіп түскен. Жұмыстардың ішінен талапқа сай 182 жұмыс таңдап алынып, материалдар жинағына еліміздің білім саласының дамуына үлес қосып жүрген үздік педагогтердің автобиографиялары жинақталған. Аталмыш байқауға Н.Құлжанова атындағы Торғай гуманитарлық коледжі Жастар ісі жөніндегі комитет жетекшісі, Алғашқы әскери дайындық оқытушысы, «жас маман» Оразов Ниязбек Рамазанұлы қатысып, байқаудың материалдар жинағына енді.
«Жылдың үздік ұстазы-2020» байқауы Президент Қасым-Жомарт Кемелұлы Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына арналған Жолдауындағы білім саласына байланысты бағыттарын білім беру ұйымдарының педагогтері арасында кеңінен насихаттау мақсатында өткен-тін.



Нәтижесінде Ниязбек Рамазанұлы «Bilim-órkenieti» ұлттық инновациялық ғылыми-зерттеу орталығынан республикалық байқауға қатысып, жеңімпаз атанғаны үшін І дәрежелі дипломмен және Білім және ғылым саласына қосқан айрықша еңбегі үшін «Жылдың үздік ұстазы-2020» атты төсбелгімен марапатталып, оны растайтын куәлікке де ие болды. Сонымен қатар колледж басшысына Алғыс хат табысталды. Оқытушымызды жетістігімен құттықтай отырып, білім жолында жетер жетістіктері көп болсын деп тілейміз.

Асемгүл СЕЙДАКМЕТОВА,
Н.Құлжанова атындағы
Торғай гуманитарлық
колледжінің қызметкері,
Арқалық қаласы