Учительская плюс

Областная еженедельная общественная информационно-образовательная газета
Календарь
29/11/22 Вторник

Жас мамандар мектебі

Выпуск - №45 (542)   :   20.11.2022
227

Рудный қаласындағы №13 жалпы білім беретін мектебінде жас мамандарға кәсіби қолдау көрсету және бағыт беру мақсатында жас мамандар мектебі үшінші жыл қатарынан өз жұмысын қызу атқарып келе жатыр.

Жас мамандар мектебіне Испамбетова Лидия Васильевна және Рақымжанов Исламбек Ғалымжанұлы жетекшілік етеді. Аталмыш мектептің мүшелері тәжірибесі 3 жылға дейінгі мамандар. Оқу жылының басталуымен жұмыс бағдары бойынша жұмыс жоспары жасалып, сол бойынша нәтижелі жұмыс атқарылады. Ал үстіміздегі 2022-2023 оқу жылы жас мамандар үшін ерекше болмақ. Оларға «Үздік жас маман – 2022-2023» байқауының талаптары мен ережелері айтылып, түсіндірме жұмыстары жүргізілді.

«Ұстаз ізденгіш болуы, ойлай білуі, қандай істі болсын, бар ынтасымен атқара білуі керек», – деп атап өткен Владимир Маяковский. Сондықтан жас мамандарға бағдар беруді көздеген бұл жобаның берері мол. Жаңа оқу жылы басталысымен жас мамандарды қолдау, педагогикалық көмек көрсету мақсатында іс-шаралар ұйымдастырылды. Соның бірі – «ҚМЖ құрылысы» тақырыбында болды.

Іс-шара барысында жас мамандар қысқа мерзімді сабақ жоспарын тиімді құру, оқу үрдісін дұрыс ұйымдастыру жайында пікір алмасып, тапсырмалар орындады. Оқушыларды оқыту мен тәрбиелеудің жаңа формалары, әдістері мен тәсілдері пысықталып, білім беруде қолданылатын заманауи білім беру технологиялары таныстырылды.


Исламбек РАҚЫМЖАНОВ,
№13 ЖББМ жас мамандар
мектебінің жетекшісі,
Сабина ОСПАНОВА,
мектеп кураторы,
Рудный қаласы

Реклама