Учительская плюс
Областная еженедельная общественная информационно-образовательная газета
Календарь
30/10/26 Пятница
Бүгінгі таңда елімізде қазақ тілін меңгерту – тек білім беру саласының ғана емес, тұтас қоғамның алдындағы маңызды міндеттердің бірі. Әсіресе, орыс тілінде оқытатын мектептерде қазақ тілін үйрету барысы ерекше назарды қажет етеді.
Бұл бағытта мұғалім тек пән оқытушысы ғана емес, көпір, бағыт беруші, сенім ұялатушы тұлғаға айналады. Мен орыс тілді аудиторияда қазақ тілін бірнеше жылдан бері оқытып келемін. Өз тәжірибемде байқағаным – оқушылардың тілді үйренуге ниеті бар, бірақ сол ниетті қолдайтын дұрыс орта мен тиімді әдіс жетіспеген жағдайда ынта тез сөніп кетеді. Кейбір оқушылар «мен сөйлей алмаймын», «қате айтамын» деген қорқынышпен өз ойын жеткізуден бас тартады. Бұл – тек тілдік кедергі емес, психологиялық тосқауыл. Сондықтан да мен өз тәжірибемде оқушының сенімін оятуды бірінші орынға қоямын.
Тілді тек грамматикалық ережелермен емес, сезім мен әрекет арқылы үйретуге тырысамын. Сабақтарымда ойын әдістерін, комикс жасау, рөлдік ойындар, пікірталас форматтарын, бейнежазбалармен жұмыс істеуді жиі қолданамын. Мысалы, жақында «Алпамыс батыр» жыры бойынша өткен комикс байқауы оқушылардың танымдық және тілдік белсенділігін айтарлықтай арттырды. Қазақ тілін үйретуде цифрлық құралдардың мүмкіндігі зор. Kahoot, Wordwall, Quizizz сияқты платформалар оқушылардың қызығушылығын арттырып, жарысу элементін енгізу арқылы белсенді қатысуға итермелейді. Сонымен қатар заманауи әндер, қысқа бейнероликтер де дұрыс бағытта ұсынылса, тіл үйренушіге пайдалы бола алады.
Мотивацияны арттыру үшін сабақтан тыс жұмыстардың да рөлі маңызды. Қазақ тіліндегі қабырға газеттері, викториналар, шығармашылық байқаулар – барлығы оқушының тілді тек пән емес, өмірлік құндылық ретінде қабылдауына ықпал етеді. Мұғалім мен оқушы арасындағы өзара сенім, ынтымақтастық, бірлескен ізденіс – табысты тіл үйренудің басты шарттары. Егер мұғалім оқушыны шабыттандырса, оқушы да өзіне сенеді. Біз баланың ішкі әлеуетіне сеніп, оны ашуға көмектесуіміз керек. Қазақ тілінің болашағы – бүгінгі мектеп партасында отырған оқушылардың қолында. Ал оларды қолдау, ынталандыру, бағыттау – біздің, ұстаздардың парызы.
Эльмира КИСИКОВА,
М.Горький атындағы
жалпы білім беретін мектептің
қазақ тілі мен әдебиеті
пәнінің мұғалімі,
Қарабалық ауданы
Би өнерінің бәйгесінде оза шапқандар
_250x150_3cd.jpg)
Заңды білеміз, тәртіпті сақтаймыз, әділдікті жақтаймыз!
Как меняются трёхлетки и что с этим делать
Путь, заданный великим учителем
Роль профсоюза в сохранении культурно-исторического наследия
Около 10 лет я выписываю «Учительскую плюс» и стараюсь всё интересное донести до её читателей. В нашей школе хороший, творческий коллектив, проводится много мероприятий, заслуживающих внимания, и я очень рада возможности рассказывать о них на страницах газеты, показать, что мы хоть и сельская школа, но от городских не отстаём, работаем ярко, увлечённо. И в этом нам тоже помогает любимая газета. Сотрудничество с «Учительской плюс» действительно большой плюс для всех педагогов, особенно тех, кто стремится к профессиональному росту, к творческому самовыражению.
Мне интересно не только самой написать об уроках, педагогических открытиях, проектах нашей школы, но и почитать и других авторов, узнать, как живут, как работают мои коллеги в других уголках области, чтобы что-то новое, эффективное использовать в своей деятельности. Я с удовольствием читаю всё, каждую страницу, а особенным удовольствием – красочные материалы про детей. «Учительская плюс» для педагогов области – газета №1. Особенно теперь, когда её публикации учитываются при аттестации.