Жаңа бағдарламамен жұмыс жасау

Выпуск - №45(340) : 16.11.2018

370

Қазақстан Республикасының білім беруді дамыту тұжырымдамасында «Оқушылардың сапалы білім алуға, функционалдық сауаттылыққа, ал мұғалімдердің біліктілігі мен педагогикалық шеберлігін ұдайы арттыруға деген уәждемелерін арттыру» жөнінде айтылған.

Сонымен қатар, мектептерде оқытушылар жаңартылған оқу бағдарламасы бойынша түрлі іс-шаралар өткізіп жатыр. Біздің Лисаков қаласындағы №6 орта мектебінде қазақ тілі мен әдебиет ұжымындағы мұғалімдерге арналған «Сабақтың жоспарлануы оқытудың нәтижелігіне қалай әсер етеді?» тақырыбында коучинг өткізілді. Оның авторы – қазақ тілі мен әдебиет пәні мұғалімі Г.С. Мәмелбаева.

Көп жыл өтілдері бар ұстаздар бір-бірімен өз тәжірибесінен алынған үлгілермен, сабақтағы өте жақсы қолданып жүретін әдіс-тәсілдермен бөлісті. Тақырып бойынша өз үлесін қосқан қалалық бірлестігінің жетекшісі З.Т. Темірбаева және Қ.Д. Сатыбалдина «Орыс тілінде оқытатын мектептердегі қазақ тілі мен әдебиеті пәні бойынша «бағалауға арналған тапсырмаларды әзірлеу және сараптау» курсында білгенімен бөлісті.

Мұғалімдерге қысқа мерзімдік жоспарды әзірлеуге көмек беру, сабақты жоспарлау ерекшеліктерімен таныстырып, сабақ құрастырғанда бірқатар мәселерді ескерту деген мақсаттар қойылған. Жаңартылған оқу бағдарламасы бойынша сабақтың жоспарлануына мән берілед, қысқа мерзімдік жоспар мұғалімдер мен оқушыларға, оқу мен оқыту сапасын көтеруге мүмкіндік беретін тиімді жақтары көрсетілді. Өз тәжірибелерінде қолдануға мүмкіндік алады.

Әр мұғалім өзінің алдына қойылған мақсатын түсінуде. Оқытушыларға қолдау көрсетіп отырған Мемлекет басшысы өз Жолдауында мұғалімдердің мәртебесі туралы заңды әзірлеп, қабылдау қажеттігін тапсырды. Бұл заң ұстаздар қауымына өте қажетті және маңызды құжат.

Гүлсара МӘМЕЛБАЕВА,
№ 6 ОМ
қазақ тілі мен әдебиет пәні мұғалімі,
Лисаков қаласы