Балалардың сөйлеу тілін дамыту

Мектепке дейінгі мекемелерде инновациялық технологиялар пайдаланып келеді. Сол себепті мектепке дейінгі ұйым педагогтердің алға қойған міндеті: қолданылатын әдіс-тәсілдерді дұрыс тандай отырып, жаңа педагогикалық технологияларды оңтайла қолдану.

Аталған міндеттердің нәтижесінде тұлғаның толық қалыптасып, дамуы үшін жағдай жасау көзделеді. Педагогтер қауыының алдына қойылған жаңа мақсаттар олардың көп ізденіп, бала тәрбиесінде, оларды оқытуда, әдіс-тәсілдерді әрдайым жетілдіре отырып, жаңа технологияға байланысты тәжірибеден туған озат үлгілерді күнделікті пайдалануға жетелейді.

Балаларадың қызығушығын арттырып, білім дәрежесін жетілдіруде «Асық терапиясының» маңызы зор екендігіне нақты көз жеткіздік. Қазақ халқымыздың ұлттық ойының логпедиялық сабағымызда қолданған кезде балаларың ақыл-ойы, логикалық ойлауы, ұсақ қол моторикасы, сөйлеу тілі дамиды. Асық терапиясы Ф.Фребель, М.Монтессори технологияларын негізге ала отырылып жасалды, яғни балалардың жас ерекшеліктері ескеріліп, көп функционалдылығымен, көп нұсқалылығымен ерекшеленеді.

Асықпен ойналатын бірнеше ойын түрлерін атап өткім келеді. Олар: «Нейрожаттығулар», «Кім зейінді?», «Асықты тізбекке тіз», «Жасырыңбақ», «Сыйқырлы қолғаптар». Ұлттық ойындарды ойнай отырып, бала халқының ұлттық мәдениетімен танысады, сол арқылы адамгершілік-патриоттық рухты бойына сіңіріп өседі. Заманның ағымына сәйкес, күн сайын болып жатқан өзгерістер өскелең ұрпаққа уақыт талабына сай білім беруді одан әрі жетілдіруді талап етеді. Бұл жолда жаңашыл әдістерді саралап, тиімдісін оқыту процесіне кіріктіре білуіміз қажет.

Гүлзира ЕРТЫШПАЕВА,
№61 бөбекжай-бақшаның
мұғалім-логопеді,
Қостанай қаласы