Қуаныш сыйлаған түрлі-түсті шарлар

Қостанай қаласындағы №54 бөбекжайда тақырыптық «Шаттықты күн» аясында, ашық аспан астында, үлкен топ балаларына арналған «Шарлар мен сабын көпіршіктері мерекесі» атты жарқын, қызықты ойын-сауық өткізілді.

Жаз – жылдың сүйікті мезгілі және әрине, балалардың көңіл көтеруіне, ойнауына тамаша мүмкіндік. Жазғы сауықтыру кезеңі – бұл ойын-сауық, мерекелер және таза ауада ашық ойындар уақыты. Бөбекжайымыздағы әрбір жаңа күн ойындарға, қуанышқа және балалардың күлкісіне толы. Мәселен, тақырыптық «Шаттықты күн» аясында ашық аспан астында өткізген мерекелік іс-шараға дайындығымыздың өзі қызықты өтті.
Бәріміз бірлесіп шарларды үрледік, оған суреттер салдық. Тіпті, шарлардың ішінен тосын-сыйларды да таптық. Балалар мерекелік іс-шара аясында ұйымдастырылған жарыстар мен ойындарға қуана қатысып, әрине, сабын көпіршіктерін де ауаға жіберді. Қарапайым ғана түрлі-түсті шардың арқасында ойын бағдарламасында қаншама қуаныш, күлкі, шаттық орын алды. Бүлдіршіндеріміздің әрқайсысы жақсы көңіл-күйге бөленді. Бұдан артық бізге не керек?!

Елена ЗАЙЦЕВА,
Елена БОБРИЦКАЯ,
№54 бөбекжай тәрбиешілері,
Қостанай қаласы