Құстарға қамқор болайық

Өскелең ұрпақты экологиялық тәрбиелеу – ең өзекті мәселелердің бірі болып табылады. Сондықтан жыл мезгілдеріне сай жастайынан балаларды табиғатпен таныстырып, білімін кеңейту, еңбекке баулу аса маңызды.

Осылайша мектепке дейінгі шақта адам тұлғасы қалыптасып, экологиялық мәдениеттің негізі қалана бастайды. Сондықтан балалардың бойында тірі табиғатқа деген қызығушылықты ояту, оған деген сүйіспеншілікті тәрбиелеу, қоршаған ортаны қорғауға үйрету – кезек күттірмейтін іс. Қыс мезгілінде кейбір құстар жылы жаққа ұшса, енді біреулері қыстап қалатыны белгілі.

Балалармен даладағы серуен кезінде сол құстарға арналған ұяны ағаш басына орналастырып, жем бердік. Бұл біздің өлкеміздің құстары туралы балалардың білімін кеңейтуге және тереңдетуге мүмкіндік береді. Ал ең бастысы, құстарға, табиғатқа қамқорлық сезімдерін оятып, ұқыпты қарауды қалыптастыруға, жыл бойы құстарға күтім жасау қажеттігін түсінуге мүмкіндік береді.

Ұлмекен ХАМИТБЕКОВА, 
«Жұпар» б/б тәрбиешісі,
Амангелді ауданы