Өнерді ерте жастан меңгеріп...

Қаламыздағы №13 бөбекжай-бақшасында балалардың шығармашылығын дамыту мақсатында «Шалқан», «Үйшік», «Үш аю», «Қызыл телпек», «Қолғап», «Бауырсақ» ертегілер әлемінің апталығына саяхаттап, өз сүйікті ертегілерін сомдады.

Ортаңғы «Айналайын» тобы тәрбиешілерінің ұйымдастыруымен өткен бұл апталық мектепке дейінгі балалардың шығармашылық қабілетін театр түрлерін қолдану арқылы дамыту мақсатында жүзеге асырылды. Кішкентай өнерпаздарымыз кейіпкерлердің рөліне еніп, дауыс ырғағын, іс-қимылын барынша шынайы ойнады. Шара балалардың тілін, сөйлеу мәдениеті мен дүниетанымын дамыту, адамгершілікке баулу мақсатын көздеді.

– Бала құлақпен естігеннен гөрі, көзбен көргенде тезірек меңгереді, оқиғаның мазмұнын тез түсінеді. Сол ертегінің кейіпкері болуға қызығып, рөлді дұрыс сомдауға тырысады. Сондықтан, ертегіні оқытуға ерекше көңіл бөліп, әрбір ертегіні оқыту алдында дайындық жұмыстарын жүргізіп отырамыз. Ертегімен таныстырмас бұрын, балаларға ертегі айтып беретінімізді, оның не себептен ертегі деп аталатынын түсіндіреміз, – дейді тәрбиешілер.

«Айналайын» тобының бүлдіршіндері өздеріне ұсынған рөлдерін, театр сахнасында жүрген керемет әртістер секілді ойнап, тәрбиешілерді таң-тамаша қылды. Сахнада ойнау арқылы өзінің шығармашылық қабілетін көрсете отырып, өздеріне ұсынылған рөлге деген жауапкершілік сезімін де сезіне білді. Бір ғана бағыт, тетр қойылы баланың бойына қанша қуаныш, оң нәтижиелін береді. Сондықтан бүлдіршіндерімнің мұндай қуанышты жүзін көрген тәрбиеші үшін зор бақыт.

Әсел ҚОЗБАҚОВА,
№13 б/б тәрбиешісі,
Қостанай қаласы