Халық даналығының айнасы

Амангелді ауданындағы «Қаламқас» бөбекжай-балабақшасының өз тобымда балалардың қиялын дамытып, ойлау қабілеттерін жетілдіріп, ойларын анық жеткізуі мақсатында «Ертегілер елінде» оқу қызметі өткізілді.

Ертегі – бала тәрбиесінде, оның танымдық қабілетінің жан-жақты жетілуіне ықпал етіп, сөздік қорын байытып, тілін дамытуда маңызды орын алатынын байқаймыз. Дана кемеңгер Абай Құнанбаевтан бастап айтар болсақ, ол кісі бала тәрбиесінде ертегі, соның ішінде халықтың ауыз әдебиетінің маңызды орын алатынын айтады.

Мен де өз тәжірибемде «Ертегілер елінде» жұмыс бағдарламасын құрып, сол үйірме жұмысымды қорғап, бүгінгі күні балабақша бүлдіршіндерімен жұмыстар атқарудамын. Әр ертегінің мазмұнын айтып беру мен үшін бір үлкен жетістік. Ертегінің образына, нақышына келтіріп, сахналық келбетке дайындау әр баланың бойындағы ерекшелікті көріп, өнерге бейімдеу тәрбиешінің шеберлігіне байланысты деп түсінемін.

Ертегі бала үшін қызықты, ертегілердің кейіпкерлеріне сүйсіне қарап еліктесе, ертегі арқылы бала бойында батылдық, шыншылдық, адалдық рухы мықты болуға талпындырады. Осы орайда бүлдіршіндермен өткізілген «Ертегілер елінде» апталық жұмысымыз сәтті аяқталды. Оқу қызметінің соңында балалар ерекше көңіл-күймен үйлеріне қайтып, белсенділігі үшін мадақтама қағаздарын алып, үйлеріне тарасты.

Шынар ДОСМАҒАНБЕТОВА,
«Қаламқас» б/б тәрбиешісі,
Амангелді ауданы