Үй жануарларын тану

Мектепке дейінгі жастағы балғындар білмекке құштар болып келеді. Амангелді ауданындағы «Жұпар» бөбекжай-балабақшасының ересек «Ертөстік» тобында «Ит, мысық, қой, сиыр – үй жануарлары» атты ашық оқу қызметі өтті.

Үй жануарлары – жануарлардың қолға үйретілген түрлері. Үй жануарлары тек материалдық байлық көзі ғана емес, сонымен бірге рухани қазына болып есептелінеді. Ашық оқу қызметі балаларды үй жануарларымен таныстыру, олардың бойында мейірімділік қасиеттерін дамыту әрі төрт түлік малдың төлдерін дұрыс атауға үйрету мақсатын көздеді.

Ең алдымен, балаларды интербелсенді тақта арқылы үй жануарларымен таныстырып, оларды неліктен үй жануарлары дейтініміз жөнінде, олар немен қореқтенетіні туралы, олардың бізге пайдасы жайлы түсінік берілді. Артынша танымдық сабақ барысында «Төлдерді ата», «Артық жануарды тап», «Көлеңкелерін орналыстыр», «Жануарлар не өндіреді?» атты дидактикалық ойындар ойналды. Балалар үй жануарларының атауларын үш тілде айтып, қайталады. Үй жануарлары жайлы тыйым сөздерді айтып, қорытындыланды.

Салтанат АБДИБЕКОВА,
«Жұпар» б/б тәрбиешісі,
Амангелді ауданы