Жануарлар әлеміне саяхат

Қостанай қаласындағы №13 бөбекжай-балабақшаның ортаңғы «Айналайын» тобында «Жабайы жануарлар» тақырыбында ашық оқу қызметі ұйымдастырылды. Балалар жабайы жануарлармен толық танысып, оларға қатысты сұрақтарға жауап берді.

Іс-шара балалардың аңдарға деген сүйіспеншілік сезімдерін арттырып, оларға қамқорлықпен қарауға, табиғатты аялай білуге, адамгершілікке тәрбиелеуді ғана емес, жабайы жануарларды бір-бірінен ажырата білуге және олардың аттарын дұрыс айтуға үйрету мақсатын да көздеді. Сондай-ақ балалардың ойлау қабілеттерін арттырып, тілдерін дамыту, қызықты ойындар арқылы эмоциялық сезімдерін дамыту, жабайы жануарлардың тіршілік ететін ортасы туралы түсініктерін бекіту де назардан тыс қалмады.

Балабақшамыздың «Айналайын» тобының балалары осы мақсатта ұйымдастырЫлған ашық оқу қызметіне қатысып, жабайы жануарлар туралы қойылған жұмбақтардың шешімін тауып, түсініктерін айтып, өзара қызықты әңгіме өрбітті. Балаларға «Жабайы жануарларды сипаттап бер» атты тапсырма берілді. Олар мнемокестемен жұмыс жүргізіп, жабайы жануарлардың түсі, денесі, немен қоректенетіні, қайда мекендейтіні, баласын қалай атайтыны жайлы ойымен бөлісті. Келесі тапсырма аясында тәрбиеленушілер үш топқа бөлініп, әр топ өздеріне берілген тапсырмалармен жұмыс істеді.

«Түлкі» тобы игравизор арқылы «Жабайы жануарлардың баласын тап» тапсырмасын орындады. «Қасқыр» тобы жабайы жануарлардың көлеңкесін тауып, «Менің көлеңкемді тап» тапсырмасын орындау барысында оларды қажет жеріне орналастырды. «Аю» тобы Деньюш блоктарынан «Аюды құрастыр» тапсырмасын жасап, аюды құрастырды. Ал «Қоян» тобы «Қоянды құрастыр» тапсырмасы аясында Киюзеньер таяқшаларынан қоянды құрастырып шығарды.

Берілген тапсырмаларды орындау балаларға қызықты болғаны анық. Олар ұйымдастырылған оқу қызметінің соныңда жабайы жануарлар туралы түсінгендерін айтып, ой-пікірлерін ортаға салды. Сабақ соңы көңілді нотада мәресіне жетті.

Әсел ҚОЗБАҚОВА,
№13 б/б тәрбиешісі,
Қостанай қаласы