Жол атасы – бағдаршам

Науырзым ауданына қарасты «Балдырған» бөбекжай-бақшасында жұмыс жоспарына сай мақала тақырыбымен аттас тәрбие сағаты өткізілді. Атауының өзі білдіріп тұрғандай, шара балаларға жол ережелерін түсіндіруді көздеді.

Бөбекжай-бақшаның тәрбиешісі жолда жүру ережесі туралы бөбектерге ойын түрінде нәрлі білім, тәрбие бере білді. Мақсаты – жолда жүру ережелерін есте сақтауға, жол белгілерінің неше түрі бар екендігін, оны білу не үшін қажет, бағдаршамның, жол белгілерінің атқаратын қызметі қандай екенін үйрету. Жол қауіпсіздік ережелерін есте сақтауға білімдерін толықтыру, қызығушылықтарын арттыру, барлығымызға ортақ қойылған тәртіпті бұзбауға тәрбиелеу.
Түзете-дамытушылық бағытында балалардың жолда жүру ережесі туралы алған білімдерін бекіту, тәрбиелік бағытында оқушыларды алған білімдерін күнделікті өмірде қолдана алуға тәрбиелеу алға қойылды. Ал бұл мақсатқа жету жолында көрнекілік ретінде бағдаршам, жол белгілерінің суреттері, жол ережесіне арналған слайд және видео қолданылды.

«Айналайын абайла,
Жан-жағыңа қарайла.
Жолда жүру ережесін,
Есте сақта қалайда», – деп шара соңында балаларға өлең жолдары оқылып, сөз соңы:
«Міне, балалар, біз сендермен жолда қалай жүру керек екенін білеміз. Жол ережесін әрқашан есте сақтау керек. Жол ережесін жақсы білсек, өзімізді жол апатынан сақтаймыз. Ал енді осы ережелерді әрқашан орындап, аман болайық!», – деп аяқталды.

Қанымкүл ВАЛИЕВА,
Білім беру бөлімінің мектепке
дейінгі ұйым әдіскері,
Науырзым ауданы