«Ақбота» балабақшасына 17 жыл

Выпуск - №41(488)   :   23.10.2021
205

Осыдан тура 17 жыл бұрын, яғни 2004 жылы қазанда Арқалық қаласындағы «Ақбота» балабақшасы балғындарға есігін айқара ашты. Уақыт зымырап, биыл қаламыздың алдыңғы қатарлы мектепке дейінгі мекемесі мерейлі датаны атап өтуде.

Он жеті жыл ішінде балабақша өзі де есейді, түлектерін де есейтті. Бұған осынау жылдар ішінде ұжымның ынтымақты жұмысының арқасында қол жеткізілген жарқын жетістіктері айғақ. Тәрбиенің алтын бесігі саналатын балабақшада өсіп келе жатқан әрбір бала жас шыбық секілді екені рас. Сол себепті әрбір тәрбиеші-педагог оған үлкен жауапкершілікпен қарауы керек деп есептеймін.

Өткен жетіде балабақшамызда «Ақбота балабақшасына 17 жыл» тақырыбында айшықты шара өткізілді. Бүлдіршіндер мекенінің мерейтойына балабақшаның музыка жетекшісі мен кәсіподақ мүшесі және тәрбиешілері белсене ат салысып, мереке мерейін көтерді. Балаларды әр түрлі кейіпкерлердің кейпінде балабақшаның алдында қарсы алып, тәттілерін ұсынды. Балаларға көтеріңкі көңіл-күй сыйлап, мерекелік іс-шара өткізді. Балалар болса, оған белсене қатысып, ән айтып, би билеп, көңілді ойындар ойнады. Балаларды құттықтауға балабақшамызда жұмыс істеп кеткен мамандары да арнайы келді. Жалпы балабақшаның туған күніне балалалар өте жақсы ат салысты.

Балабақша – тәрбие мен білімнің алғашқы баспалдағы іспетті. Мұндағы тәрбие мен білім балалардың табиғи мінезін, қабілетін ерте жастан дамытады. «Ақбота» балабақшасының ұйытқысы, ізденімпаз, іскер басшы Майра Нұралина және әдіскер Ақгүлім Мырзакеримова балалардың жан-жақты қорғалған, үйлесімді тұлға болып қалыптасуына жағдай жасап келеді. Балабақшамыздан ұшқан жас түлектеріміз мектепте оқып, білім алуда. Тәуелсіз еліміздің балдырғындарына білім, тәрбие беруде балабақша ұжымы біршама жетістіктерге қол жеткізді. Педагогтеріміз үнемі шығармашылық ізденіс жолында.

Ата-аналардың пікірінше, біздің «Ақбота» балабақшасы – балалардың саялы мекені. Келешегі келісті, болашағы бағдарлы еліміз үшін сапалы білім мен саналы тәрбиені бала бойына сіңіру, білім мен тәрбие бере отырып, халқымыздың рухани құндылықтарын, төл өнерін, көркем мәдениетін көздің қарашығындай сақтап, келер ұрпаққа аманаттау – жауапты мәселе. Осы ретте біздің балабақша ұжымы жауапкершілікпен жұмыс істеп, жаңартылған білім бағытында елеулі іс атқарары сөзсіз.


Айсұлу АЮБЕКОВА,
Көркем САРМАНОВА,
«Ақбота б\б музыка жетешісі
мен тәрбиешісі,
Арқалық қаласы

Реклама

Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать. 

"К педагогическому делу надо призывать, как к делу морскому, медицинскому или тому подобным, не тех, которые стремятся только обеспечить свою жизнь, а тех, которые чувствуют к этому делу и к науке сознательное призвание и предчувствуют в нём своё удовлетворение, понимая общую народную надобность".