«Алтын күз келді бақшама»

Выпуск - №41(589)   :   09.11.2023
487

Күз – мереке мен молшылықтың бастауы. Егін-терімін жиып, қысқа дайындығын аяқтаған жұрт жыл сайын «Алтын күз» мерекесін тойлауға кіріседі. Жуырда Амангелді ауданындағы «Жұпар» балабақшасында мақала тақырыбымен аттас ертеңгілік өтті.

Жыл сайын мамыражай жететін күз мезгілінің халық үшін қашанда маңызы зор. Оның артықшылықтарын айтып тауыса алмайсыз... Біз әрбір күз маусымы келген сайын балаларға оның мән-маңызын, ырзық-несібесін түсіндіру мақсатында түрлі шаралар ұйымдастырамыз. Мұндай іс-шаралар кезінде балалар өздеріне ұнайтын жеміс-жидектер, дәнді дақылдар, көкөністер бейнеленген немесе соларға ұқсастырыла тігілген киімдер киіп, тақпақтар айтып, қойылымдар көрсетеді. Бұл өз кезегінде жасөспірімнің туған жерінің қасиетін ұғынуға, табиғатты сүюді үйренуіне көмектеседі.

«Болашаққа бағдар: рухани жаңғыру» мақаласында: «Біз – ұлан-ғайыр жері мен аса бай рухани тарихы бар елміз. Ұлы Даланың көз жеткісіз кең байтақ аумағы тарихта түрлі рөл атқарған. Бірақ осынау рухани географиялық белдеуді мекен еткен халықтың тонның ішкі бауындай байланысы ешқашан үзілмеген», – делінген. Шынымен де, «Туған жер» бағдарламасы жалпы ұлттық патриотизмнің нағыз өзегіне айналып отыр. Біз де кішкентай бөбектерге ауылымызды жақсы көруді, ерекшелігін түсініп өсуіне ықпалымызды тигізуге тырысамыз.

Күз мерекесінде бүлдіршіндер әннен шашу шашып, би билеп, тақпақ айтып, көрермендерді тәнті етті. Ал, ата-аналардың қолдарымен жасаған шебер туындылары көпшілікті тәнті етіп, тамаша әсер сыйлағанын айта кеткен жөн. Берекелі де ырысты алтын күз құрметіне арналған кеш көңілді нотада мәресіне жетті.


Ұлмекен ХАМИТБЕКОВА,
«Жұпар» б/б тәрбиешісі,
Амангелді ауданы

Реклама

Трогательное суеверие заключается в том, будто благодаря знанию всё большего числа фактов человек приходит к знанию действительности. Сотни разбросанных, не связанных друг с другом фактов вбиваются в головы учеников; их время и энергия заняты заучиванием всё большего и большего числа фактов, так что для мышления остается мало времени и сил. Несомненно, мышление без знания фактов остаётся пустой фикцией; однако одна только «информация» может оказаться таким же препятствием для мышления, как и её отсутствие.

Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать.