Ата-ана мен тәрбиеші үндестігі

Выпуск - №6(554)   :   11.02.2023
698

Бала тәрбиесінде тәрбиеші мен ата-ананың бірлескен іс-әрекетінің маңызды міндеттерінің бірі – баланың балабақшада жақсы дамуы үшін жағдай жасау. Ата-аналармен ортақ тіл табу және сенімді қарым-қатынас орнату.

Қазіргі уақытта білім беру мекемесінің өмірі мен дамуы ата-аналардың білім беру процесінде толыққанды, белсенді қатысуынсыз мүмкін емес. Бір ортақ мақсатты анықтап, оған ортақ күш-жігермен жетуге тырысу – ата-ана мен балашақша арасында орнатылатын байланыстың негізгі көздегендерінің бірі. Мектепке дейінгі білім беруді дамытудағы қазіргі тенденциялар маңызды критериймен біріктірілген. Оның сапасы тәрбиешілердің кәсіби құзыреттілігі мен ата-аналардың педагогикалық мәдениетінің деңгейіне тікелей байланысты. Бірлескен қызмет – бұл тәрбиеші мен ата-ананың өзара іс-қимылға, түсіністікке, сыйластыққа, сенімге және тануға негізделген белсенді бірлескен жұмысы. Тек ата-ананың, тәрбиешінің және баланың берік ынтымақтастығы оқыту мен тәрбиелеуде оң нәтижеге жетелейді.

Ата-ана мен тәрбиеші арасындағы ынтымақтастық – өзара қарым-қатынасты, тәжірибе алмасуды қажет етеді. Осы мақсатта біздің №5 бөбекжайда «Көңілді эстафета» атты спорттық интеллектуалды ата-аналар сайысы өткізілді. Іс-шараға «Айгөлек» және «Бәйшешек» тобының ата-аналары қатысты. Сайыс алдында ата-аналармен көңілді тренингтер, шаттық шеңбері өткізілді. Жеті кезеңнен тұрған сайыстың әр кезеңінде ата-аналар түрлі логикалық тапсырмалар мен топтық ойындар кезінде өздерінің ұйымшылдығын, тапқырлығын көрсетті. «Жарыс бар жерде: жеңіс те, жеңіліс те бар» демекші, сайыс жеңімпазы анықталып, «Айгөлек» тобы жүлдері 1-орынға ие болды.

Осылайша ата-аналарымыз өзінің үлгісінде «Ата-ана – бала тәрбиесінің айнасы» екенін тағы бір мәрте дәлелдеді.


Дамира ҚАЙРАТҚЫЗЫ,
№5 б/б тәрбиешісі,
Қостанай қаласы

Реклама

Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать. 

"К педагогическому делу надо призывать, как к делу морскому, медицинскому или тому подобным, не тех, которые стремятся только обеспечить свою жизнь, а тех, которые чувствуют к этому делу и к науке сознательное призвание и предчувствуют в нём своё удовлетворение, понимая общую народную надобность".