«Бақыттымыз бәріміз»

Выпуск - №26-27(321-322)   :   03.08.2018
569

Бақытты өмір сүрудің кілті неде? Әрине дұрыс тәрбие, татулық, ұйымшылдық және мейірімділік пен жылылықта. Дәл жоғарыдағыдай атау­мен мектебімізде ата-аналармен тренинг өткізілді.

Оны өткізудегі мектеп психологтарының негізгі мақсаты – ата-аналардың арасында жағымды қарым-қатынас орнату, сыйластықты арттыру, отбасында балаға жақсы тәрбие беруіне ықпал жасау. Бала дегеніміз – болашақ. Оларды қалай тәрбиелесек болашағымыз солай болмақ. Келешегіміздің қожасы ұрпағымызды білімді де мәдениетті, тәрбиелі де әдепті, кішіпейіл де қарапайым етіп тәрбиелеу өз қолымызда.

Егеменді еліміздің ертеңгі келешегі бүгінгі жас ұрпақ. Білімді, денсаулығы мықты азамат өсіру үшін мектеп болып ынтымақтасып атсалысуымыз қажет. Кейін опық жеп, бармақ тістемеу үшін баланы қаршадайынан дұрыс тәрбиелеуге, бала бақытының шынайы бағбаны болуға тырысқан жөн. Бала бақытының кепілі – ата-ананың өнегелі тәрбие­сінде. Ал тәрбиеші мен ата-ананың психологиялық үйлесімділігі бақытты өмірге апарар ізгі жол.

Қызғалдақ ӘСКЕРБЕКҚЫЗЫ,
Жангелдин ОМ психологы
Аралбай ауылы

Реклама