«Балабақша – алтын ұям»

Осындай тақырыпта «Жұпар» бөбекжай-балабақшасының «Ертөстік» тобында Соңғы қоңырау шарасы өтті. Үстіміздегі 2021 жылғы түлек балғындар балалық шақтан болашақ жолына аттанды.

Шара барысында түлектеріміз бал-бұл жанып, гүлдей құлпырып, ортаға шығып, әсем әндерін орындап, әр түрлі жанрда билерін билеп, ұстаздары мен балабақша ұжымына алғыстарын өлең жолдарымен жеткізіп, балабақшамен қош айтысты.
«Оқу – тамақ болар, қарны ашқанда,
Жол табар қараңғыда адасқанға
Мал озбас, біле-білсең, білім озар
Ақыры керек болар бір сасқанда», – деп ақындарымыз айтпақшы, тарыдай болып кіріп, ақыл ойлары толып, оңы мен солын танып, жақсы мен жаманды айыра білуді үйренген бүлдіршіндерімізге сәттілік. Түлектерге тілеріміз: қадамдарына гүл бітіп, талаптарына нұр жаусын. Балабақшадан алған білімдерін мектепте щыңдай түсіп, қанаттары талмай, тек биіктерден көрініп, үздік оқушылардың қатарынан көрінуіне тілектеспіз.

Салтанат АБДИБЕКОВА,
Кенжегүл СЕМБИНА,
«Жұпар б/б тәрбиешілері,
Амангелді ауданы