Бір шаңырақ астында

Выпуск - №32-33(327-328) : 24.08.2018

300

Қазақстан – көпұлтты мемлекет. Бір шанырақта әр ұлттың өкілдері тату-тәтті тұрады. Бұл әуелі Елбасы Нұрсұлтан Назарбаев ұстанып отырған сындарлы саясаттың жемісі. Ол өз сөзінде үнемі ұлтаралық татулық пен достықты айтып отырады. Сол сөздерді өскелең ұрпақтың санасына сіңіріп, жүрегіне жеткізу – ұстаздар мен тәрбиешілер қауымының басты міндеті.

Сондай-ақ, бүлдіршіндерге туған елге, жерге деген сүйіспеншілікпен қарап, қамқор болуды үйретіп, қадірлеуге тәрбиелеу де маңызды міндет. Осы мақсатта балабақшамыздың балдырғандары Отан, туған жер туралы белгілі ақын-жазушылардың өлеңдерін үйреніп, жатқа оқиды. Жуырда «Бір шаңырақ астында» атты тәрбие сағаты өтті. Онда балалар түрлі ұлттың салт-дәстүрін үйреніп, мәдениетінен тәлім алды. Үш тілде өлең оқып, өнер көрсетті.

Сонымен қатар, мұнда мерекелік іс-шаралар өтіп тұрады. Оны әрине, балабақша қызметкерлері ұйымдастырып отырады. Балаларға ерте жастан рухани құндылықтарды үйрету асқан жауапкершілікті талап етеді. Олар осы бастан ұлтың сүюді үйренсе, келешекте еліне, жеріне және ұлтына адал қызмет ететін азамат болып өсетіні кәміл.

Әсел ҚОЗБАҚОВА,
№13 б/б тәрбиешісі
Қостанай қаласы