Дұрыс серуен ұйымдастыру және бақылау

Баланың табиғатты танып білуге деген қызығушылығын оята отырып, педагог оны табиғатпен таныстырып қана қоймай, оны түсінуге, өсімдіктер мен жануарларды қамқорлауға, табиғаттың сұлулығын сезіне білуге үйретеді. 

Баланың танымдық дамуы ойын барысында табиғи нысандар мен құбылыстарға бақылау жасау, заттарды қарап, зерттеу кезінде, табиғат пен оның күнтізбесіндегі ауа райы жағдайына бақылау нәтижелерін айта білу, еңбек және басқа да әрекеттер барысында жүзеге асады. Мектепке дейінгі балалық шақ кезеңінде баланың танымдық дамуы эмоционалдық қарым-қатынастар арқылы қалыптасады. Әрбір жеке бала қоршаған ортаны қызығушылықпен қабылдайтын кішкентай зерттеуші. Бала белсенді әрекеттерге талпынады. Сондықтан да бақылау мен зерттеу сияқты әдістер балаға неғұрлым жақын болып табылады.

Серуен кезінде бақылау жұмысын дұрыс ұйымдастыру біріншіден жоспарлауда жеңілдік туғызса, екіншіден бақылауда қойылатын талаптар сақталады. Балалардың танымдық құзыреттілікті меңгеруі педагогтің қолданатын әдіс-тәсілдері мен бақылауды ұйымдастыруына тікелей байланысты. Баланың жан-жақты дамуы оның қоршаған ортамен белсенді қарым-қатынасы негізінде қалыптасады. Бұл тұрғыда жұмысты «Сезіну – танып білу – жүзеге асыру» бағыттары бойынша ұйымдастыру қажет. Ол үшін тиімді әдіс-әсілдерді таңдап алудың маңызы зор.

Сымбат ЕРМАҒАМБЕТОВА,
№5 «Гүлдәурен»
б/б психологы 
Қостанай қаласы