Кітап оқитын бала

Выпуск - №20(517)   :   20.05.2022
722

«Болашаққа бағдар: рухани жаңғыру» ұлттық жобасының бір бағыты: «Оқитын бала, оқитын отбасы, оқитын ұлт» жобасы. Жастар – егемен елдің болашақ үміті, ертеңгі иесі болғандықтан, оларды қолдап, жағдайын жасау – бағыттың негізгі мақсаттарының бірі. 

Ата-ана – баланың өмірлік ұстазы әрі тәрбиешісі, сондықтан баланың болашағының жарқын болуы ата-ананың сіңірген еңбегіне, тәлім-тәрбиесіне байланысты болмақ. Біздің балабақшада жобаны қолдау аясында «Оқитын бала, оқитын отбасы, оқитын ұлт» кітап бұрыштары бар. Аталмыш жобаны бастауымыздың негізгі мақсаты – балаларды жан-жақты білімді, парасатты, мәдинетті етіп тәрбиелеу. Халқымыз – рухани мол байлықтың мұрагері десек, сол ата-бабаларымыздан бері қарай ұрпақтан-ұрпаққа жалғасып келе жатқан мұраны жастарға жеткізіп отыруымыз қажет.

Кітап оқуға қызығушылық ерте жастан қаланады және осы жерде көп дүние ата-анаға байланысты. Себебі отбасы – баланың тұлғасын дамытудығ басты ортасы саналады, оқуға деген қажеттілік, қызығушылық пен сүйіспеншілік сонда қалыптасады. Яғни, бала тәрбиесінде ата-ананың, отбасының рөлі зор. Ата-аналармен бірлесіп осы жобаны бастауымыздың да мәні осында жатыр. Балаға кітап алудың да жауапкершілігі жоғары. Ең басты шарт – кітап баланың жасына сай таңдалуы қажет. Білімнің қажетті қорын бала мектепке дейін игереді. Зерттеушілер бала өмірінің алғашқы бес жылын «Ғажайыптар жылдары» деп атайды. Оқып, үйренбестен бұрын бала сөйлеу қабілетін, тыңдауды және білуді жеткілікті дәрежеде меңгеруі тиіс.

Кітап оқу – баланың ой-өрісін кеңейтеді, ойлауға үйретеді, сөйлеу қабілетін, есте сақтауын, қиялын дамытады, танымдық және дамытушылық қызметін анықтайды. Біздің балалар кітаптың құдіретін түсінеді. Оны жыртпайды, мұқият тыңдайды. Тыңдаған ертегілерін сахналау арқылы көрсетеді. Бұндағы басты мақсатымыз – баланың кітапқа деген қызығушылығын артыру.


Жанна ХАЖМУРАТОВА,
№14 б/б тәрбиешісі,
Қостанай қаласы

Реклама

Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать. 

"К педагогическому делу надо призывать, как к делу морскому, медицинскому или тому подобным, не тех, которые стремятся только обеспечить свою жизнь, а тех, которые чувствуют к этому делу и к науке сознательное призвание и предчувствуют в нём своё удовлетворение, понимая общую народную надобность".