Үстіміздегі жылдың қыркүйек айының 20-сы мен қазан айының 23-і аралығында «Алтын күз» атты III Республикалық балалар шығармашылығы байқауы өтті. Оған қаламыздағы «Гүлдәурен» бөбекжай-бақшасының тәрбиеленушісі де қатысып, жеңімпаз атанды.
Қарағанды қаласындағы «Білім» қайта даярлау және біліктілікті арттыру институты ұйымдастырған байқауға еліміздің барлық мектепке дейінгі ұйымдардың тәрбиеленушілері, мектепалды даярлық сыныптарының оқушылары қатысу мүмкіндігіне ие болды. Еліміздің жас дарындары «Сурет байқауы», «Мәнерлеп оқу», «Музыкалық шығармашылық», «Фотография», «Поделка» номинациялары бойынша бақ сынады. Еліміздегі жағдайға байланысты онлайн форматта өткен байқаудың қатысушылары жұмыстарын өздері қатысып жатқан номинациясының талаптарына сай бейнематериал немесе фотосурет үлгісінде қазілар алқасына жіберді.
Мектеп жасына дейінгі балаларға арнап, қайта даярлау және біліктілікті арттыру институты өткізген балалар шығармашылық «Алтын күз» байқауына Қостанай қаласының №5 «Гүлдәурен» бөбекжай-бақшасының тәрбиешісі ретінде менің жетекшілігіммен Айару Ахметбек есімді бүлдіршініміз қатысып, I орын иегері атанды. Байқауда Айару өзінің таланты да дарынды екендігін көрсете білді. Осындай байқаулардың арқасында балаларымыздың өнерге, дамуға деген құштарлықтарын оята аламыз.
Дамира ҚАЙРАТ,
№5 «Гүлдәурен» б/б
тәрбиешісі,
Қостанай қаласы