Патриоттық тәрбиенің маңызы

Балалардың Отанға, туған жерге деген сүйіспеншілігін оята отырып, ұлтжандылыққа тәрбиелеу, патриоттық сезімдерін ояту мақсатында Конституция күніне орай «Жұпар» балабақшасында арнайы іс-шара өтті.

Балаларды Қазақстанның келешегі өздері екеніне көз жеткізу, патриоттық сезімін ояту мақсатында тәрбие сағаты өткізілді. Алдымен балаларға бұл күннің тарихы түсіндірілді. Өткенге көз жүгіртсек, 1993 жылдың қаңтар айында тәуелсіз Қазақстанның тұңғыш Конституциясы қабылданды. Еліміздің Президенттік басқару жүйесіне өтуіне байланысты жаңа заң қабылдау қажетігі туды. 1995 жылы тамыздың 30-ы күні Бүкілхалықтық референдум өткізіліп, нәтижесінде Қазақстанның жаңа Конституциясы қабылданды. Биыл Ата Заңның қабылданғанына 25 жыл толып отыр. Заңға бағыну тәртіп, ал тәртіп бар жерде тәрбие, тиянақтылық сияқты адамға тән қасиеттер бар.
Балалар болашақта Отанын сүюі, елінің алдындағы азаматтық борышын орындауы маңызды. Ата Заңымызды ардақтау мақсатында «Қарлығаш» тобында тәрбие сағаты өткізіліп, балаларға Конституция күнінің маңыздылығы түсіндірілді. Кейін әнұран шырқалды, шағын бейнеролик көрсетіп, балаларға еліміздің рәміздері мен құндылықтары таныстырылды. Одан бөлек қағаз бетінде еліміздің туын балалар қолдарымен бояп шықты, сергіту сәттері мен ойындар ойнатылды. Осы тұста еліміздің Ата Заңы – Конституциясы күнімен қазақстандықтарды құтықтаймын. Еліміз тыныш, жұртымыз аман болғай. Көк байрағымыз көгімізде желбірей берсін! Ана тіліміздің мәртебесі асқақтай берсін.

Рахила ТАЙМАСОВА,
«Жұпар» балабақшасы
тәрбиешісі,
Амангелді ауданы