Тарихи-өлкетану мұражайында

Выпуск - №42 (539) : 28.10.2022

1112

Балаларға туған өлкесінің тарихы, мәдениеті туралы айтып отыру маңызды. Біздің «Бота» балабақшасының балғындары қаламыздың тарихымен танысуды біздің шағын мұражайдан бастап, артынша тарихи-өлкетану мұражайында жалғастырды.

Балалар мұражайға экскурсия жасайтынымызды естігенде қуанғандарын жасырмады, баратын күнді асыға күтті. Балаларды алдын ала дайындап, оларға «мұражай» деген не, онда не көре алады, онда өздерін қалай ұстау керектігі туралы айтылды. Бірақ ол жерде болып, бәрін өз көзіңмен көрудің әрдеқайда қызық екені белгілі. Мұражай арқылы шығармашылық өнермен және басқа дәуір адамдарының мәдениетімен танысуға болады. Бұның бәрі баланың ойлау қабілетін кеңейтіп, өзінің кішкентай Отанына деген махаббатын оятады.

Біздің мұражайда қазақ халқының тұрмыста қолданған дүниелері жинақталған. Мұндағы экспозиялардан қазақ халқының өткен тарихын ғана емес, сонымен қатар қазіргі өмірін де көруге болады. Мұражай фонында қолымен ұстап көруге болатын: фотосуреттер, кітаптар, қару-жарақтар, киімдер, ыдыстар, әшекейлер бар. Балалар айтылған ақпараттарды қызығушылықпен тындап, алған әсерлерімен бөлісті.

Жанат ЖУМАБАЕВА,
«OFSTED» жеке мекемесі,
«Бота» б/б тәрбиешісі,
Қостанай қаласы