Тұңғыш Президентке алғыс айтамыз

Выпуск - №46(493)   :   01.12.2021
137

Желтоқсанның бірінде Қазақстан халқы мемлекеттік мереке – Тұңғыш Президент күнін атап өтеді. Бұл күні еліміздің білім беру ұйымдарында мерекелік шаралар ұйымдастырылады. Лисаков қоласындағы «Улыбка» балабақшасында да мерекелік апталық өтті.

Апталықты жаңа тәуелсіз мемлекеттің негізін қалаушы Нұрсұлтан Әбішұлы Назарбаевтың өмірбаянымен танысудан бастадық. Жайлы атмосферада мектепалды даярлық топ балалары Тұңғыш Президенттің балалық шағы туралы қызықты деректерге қанық болды. Балғындарды, әсіресе, есім таңдау тарихы қызықтырды. Елбасымыз дүниеге келген кезде туыстары жиналып, әр түрлі есімдерді ұсыныпты. Дегенмен шешімді Мырзабала әжесі қабылдады, ол өзінің бірінші немересіне қуанышы қойнына сыймай: «Менің сүйікті немерем бірден екі есімді алып жүрсін. Оның аты – Нұрсұлтан болсын», – деген екен. Осылайша Нұрсұлтан есімі пайда болды.

Нұрсұлтан Назарбаевтың балалық шағы соғыстан кейінгі қиын кезеңде өтті. Сол кезде өріс алған аштыққа қарамастан, Нұрсұлтан Әбішұлы балалық шағын ең әдемі кезең деп санайды. Анасының аялы алақанын, отбасы жылулығын, әкесінің қамқорлығын, ата-анасының әуезді әндерін, балалық ойындары мен Алатаудың сұлу бөктерін жылулықпен еске алады. Балалар Елбасымыздың өмір жолына қатысты әнгімелерді қызығушылықпен тыңдап, кітаптар мен фотосуреттерді қарап, қызықтырған сұрақтарын қойды.

Тәрбиеленушілерімізге «Тұңғыш Президентімізге біз не үшін алғыс айта аламыз?» деген сұраққа ойланып, жауап беруді ұсынған кезде, олардан: «Бейбітшілік үшін!», «Балабақша мен ойыншықтар үшін!», «Денсаулық үшін!», «Ана мен әке үшін!», «Компьютерлер мен машиналар үшін!», «Қуаныш үшін рақмет!» деген шынайы балалалық жауаптарын естідім. Қызықты әңгімемізден кейін мен балаларға Тұңғыш Президентіміздің спорттық әуестігі туралы бейнені тамашалап, қызықты ойын ойнауды ұсындым.


Гүлдана УРКУМБАЕВА,
«Улыбка» балабақшасының
қазақ тілі мұғалімі,
Лисаков қаласы

Реклама

Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать. 

"К педагогическому делу надо призывать, как к делу морскому, медицинскому или тому подобным, не тех, которые стремятся только обеспечить свою жизнь, а тех, которые чувствуют к этому делу и к науке сознательное призвание и предчувствуют в нём своё удовлетворение, понимая общую народную надобность".