Дарынды баланың жетістігі

Қостанай қаласындағы №16 бөбекжайдың тәрбиеленушісі Жансая Жомарт Астана қаласында өткен білім беру бағытындағы республикалық форумында «Ұла дала дарыны» төсбелгісімен марапатталып, ерекше жетістікке қол жеткізді.

Баланың бойындағы қабілетті ерте жастан байқап, оны дамыту бағытында жүйелі жұмыстар жүргізілді. Тәрбиеленушімнің шығармашылық белсенділігі, ізденімпаздығы мен талпынысы бұл марапатқа әбден лайық екенін дәлелдеді. Аталған жетістік үшін маған көрсетілген сенім мен еңбегімнің бағалануы ретінде Алғыс хат табысталды. Бұл марапат мені алдағы уақытта да жас ұрпаққа сапалы білім мен саналы тәрбие беруге одан сайын жігерлендіре түсті.
Мен үшін әрбір тәрбиеленушімнің жетістігі – үлкен қуаныш әрі еңбегімнің жемісі. Балабақша қабырғасында әр баланың дарындылығын ашу – тәрбиешінің басты міндеті. Осындай жетістіктер балалардың өзіне деген сенімділігін арттырып, болашаққа нық қадам жасауына мүмкіндік береді.

Асель НАКЕНОВА,
№16 бөбекжайдың тәрбиешісі,
Қостанай қаласы