Дарынды бүлдіршіндер топ жарды

Рудный қаласында өткен «Таlanty Kazakhstan» байқауына біздің «Ақбота» бөбекжайының бүлдіршіндері қатысып, жүлделі орындарға ие болды. Бөбекжайымыздың «Ақтиін» ересек жас тобы, «Балапан» мектепалды даярлық топтарының бүлдіршіндері қатысты.

«Ақтиін» ересек жас тобынан 9 ұл бала мен тоғыз қыз бала және «Балапан» мектепалды даярлық тобынан 8 аралас бүлдіршіндеріміз бәсекеге түсті. Ұлттық құндылыққа байланысты «Ақтиін» ересек жас тобы қыздары «Сырмақ» биімен, ұлдары «Бәйге» биімен таңғалдырды. «Балапан» мектепалды даярлық тобы ерекше «Миньон» биімен сахнаға шықты. Бұл байқау үш жастан басталады. Біздің бүлдіршіндер 4, 5, 6 жас аралығында болды.
Тәрбиеленушілеріміздің «Бәйге», «Сырмақ» биі жүлделі 1-орынға ие болса, «Миньон» биі екінші қатардан көрінді. Бөбекжайымыздың басшысы Турсунова Ляззат Абдешевнаға және ата-аналармен «Біртұтас тәрбие» бағдарламасы бойынша жұмыс істеп жатқан тәрбиешілерге алғыс білдіреміз. Болашағынан мол үміт күтетін балапандарға жан-жақтан қолдау мен көмек көрсету арқылы сахнаның биік төріне шығарып, үлкен асуларға жетелеп жүрген ерен еңбегіміз жемісті жетістіктерге бастасын. Талантты ұл-қыздар алдағы уақытта да биік белестерді бағындыруына тілектеспіз.

Ақжарқын БЕРДЕШЕВА,
«Ақбота» бөбекжайының тәрбиешісі,
Арқалық қаласы