Қоғамдық кеңес

10 ақпан күні партияның Қостанай облыстық филиалы жанындағы білім мен ғылымды дамыту жөніндегі өңірлік Қоғамдық кеңес Әулиекөл ауданына барып, онда Әулиекөл ауданының білім беру ұйымдарындағы жөндеу жұмыстарының сапасын зерделеп, өңірдің білім беру жүйесін дамытудың проблемалары мен даму перспективаларымен таныс болды.

Кеңес төрағасы, облыстық мәслихат депутаты Жансүгірова Альмира Бағытқызы, кеңес мүшелері, Қостанай қалалық мәслихатының депутаттары Дәндібаева Гүлфия Төлегенқызы, Манасбаев Серік Жотайұлы, Венгр Елена Владимировна, Павленко Дмитрий Иванович бар мониторингтік топ Н. Островский атындағы Аманқарағай орта мектебінде, Ш. Шаяхметов атындағы Сұлукөл ОМ, №28 Құсмұрын ОМ, сондай-ақ ауыл шаруашылық колледжінде болып қайтты.  

Н. Островский атындағы Аманқарағай орта мектебінде күрделі жөндеу 2 жылға есептелген.  Жоспарланған жұмыс түрлерінің 80% - ы 2021 жылы аяқталды: шатырды, терезе блоктарын, жылыту жүйесін, инженерлік желілерді (су құбыры, кәріз, желдету), электр сымдарын, едендерді тартуды, қабырғаларды бастапқы өңдеу және т.б. толық ауыстыру жүргізілді, 468,2 млн. теңгенің 379,2 млн. теңгесі игерілді, қалған 89 млн. тг.  2022 жылдың мамырына дейін игерілуі тиіс.  2 және 3 қабаттар дайын, қазіргі уақытта жөндеу жұмыстары тек 1 қабатта жалғасуда. Нысан уақытында тапсырылатын  болады. 

Партия мүшелері мектептің сырты да, іші де түбегейлі өзгергенін, жұмысты «ГРЕНАДА ӨКФ» ЖШС мердігерлік ұйымы сапалы жүргізіп жатқанын, мердігерге қатысты ескертулер жоқ екенін атап өтті. 

Кеңес мүшелері жобада мектеп жанындағы аумақты абаттандыру көзделмегеніне назар аударды, сондықтан облыстық мәслихатқа осы мақсаттарға шамамен 100 млн. т. сомада бюджет қаражатын бөлу туралы өтініш жасау туралы шешім қабылдады.

Ш.Шаяхметов атындағы Сұлукөл ОМ өзінің жаңартылған жылы қасбетімен, сүйеніші бар жақсы пандусымен, жаңа шатырымен, терезе және есік блоктарымен таң қалдырды. Мектеп директоры Әбденова Гулжан Жұманқызы кеңес мүшелеріне мектеп 1979 жылы салынған, онда 101 оқушы білім алатынын жеткізді. Мектепті 2021 жылы тапсыру жоспарланған болатын, алайда мердігер «ГРЕНАДА ӨКФ» ЖШС 2020 жылдың желтоқсан айында күрделі жөндеуді аяқтауға қол  жеткізді.    

Жөндеу  жұмыстарына барлығы 305 млн. теңге бағытталды, жылу жүйесі, су құбыры, кәріз, желдету және электрмен жабдықтау, электр жарығы, өрт жүйесі ауыстырылды, ішкі әрлеу жүргізілді. 

Мекепті аралап көрген кеңес мүшелері барлық жұмыс түрлері сапалы және талғаммен орындалғанын атап өтті. Ата-аналар, оқушылар мен ұстаздар ғимаратқа орналасты, кабинеттер мен демалыс орындары безендірілді, жөндеу жұмыстарына барлығы риза, жылыту режимі сақталған. Мектеп жылы, жарық және жайлы.

Партиялықтар арасынан құрылған мониторингтік топ сондай-ақ Құсмұрын ауылындағы №1 орта мектепте болып қайтты. Қазіргі уақытта білім басқармасы осы мектеп үшін 320 орындық жаңа ғимарат салу мәселесін шешуде, өйткені 1942 жылы салынған қазіргі ғимарат өзінің 80 жылдық тарихында ешқашан күрделі жөндеуден өтпеген. Ғимаратты қарап шыққан Кеңес мүшелері жаңа ғимарат салу орынды дегенге келісті, өйткені қазіргі ғимарат санитарлық ережелер мен нормаларға сәйкес келмейді.

Аудандық білім бөлімінің басшысы Д.Т. Құсайынов түсіндіріп өткендей, мемлекеттік тілде оқытатын жаңа мектептің құрылысы Құсмұрын кентінің орталығында 2025 жылға дейін жоспарланып отыр. Қолайлы логистикалық орналасу оның контингентін арттыруға ықпал етеді.  

Білім басқармасы басшысының орынбасары А.Н. Умаров түсіндіргендей, жобалық-сметалық құжаттаманы әзірлеуге қаражат бар. 

Кеңес мүшелерін «Жас Маман» жобасы бойынша Әулиекөл ауыл шаруашылық колледжі жабдықталған заманауи модификациялы жабдықтар таң қалдырды. Ол 2021 жылы 216 млн.теңге сомасына сатып алынды және бүгінгі күні дәнекерлеуші, электрик, құрылысшы, есепші, аспаз, тракторшы мамандықтары бойынша жоғары білікті мамандарды даярлауға мүмкіндік береді. Енді колледж оқушылары республикалық деңгейде ғана емес, халықаралық деңгейде де шеберлікпен бәсекеге түсе алады.