«Қазақты қазақ еткен басылым»

Выпуск - №24(521)   :   17.06.2022
302

Осындай атаумен Қостанай жоғары медициналық колледжінің студенттері үшін Н.Островский атындағы орталық қалалық кітапханасында «Қостанай таңы» газетінің 100 жылдық мерейтойына орай тарихи экскурс өткізілді.

Іс-шараға еңбек жолын осы баспада бастаған, ұлттық қауіпсіздік қызметінің ардагері Ғалихан Маулетов және журналистика салысында құрметпен зейнеткерлікке шыққан Дамир Абишев, сонымен қатар жас журналистер, архиф қызметкерлері мен Қостанай жоғары медициналық колледжінің студенттері арнайы шақырылды.

Кештің сәнін келтіріп, күй өнерімен көмкерген «Жұлдыз» жас домбырашылар студиясы «Балбырауын» мен «Тойға шашу» атты сазды күйлерін тарту етті. Кітапханада «Қостанай таңы» газетіне арнайы кітапхана қорынан «Дарын даралығы» атты  көрме ұйымдастырылды.

Архиф қызметкері Гүлжазира Жылқыбайқызы газет тарихына тоқталып, құнды деректерімен бөлісті. Ал құрметті қонақтар өңірлік басылымның бір ғасырлық мерейтойымен құттықтап, тұшымды ойларын жеткізіп, жылы лебіздерін білдірді.


Қанипа ТАСБУЛАТОВА,
Мөлдір ӨТЕГЕН,
Н.Островский атындағы
ОҚК кітапханашылары,
Қостанай қаласы

Реклама