Мемлекеттік тіл – мемлекеттік қызметте

Қостанай облысы әкімдігінің мәдениет басқармасының «Тілдарын» облыстық тілдерді оқыту орталығының ұйымдастыруымен Достық үйінде мемлекеттік тілдің қолдану аясын кеңейту және оны дамыту мақсатында облыстық байқау өткізілді.

«Мемлекеттік тіл – мемлекеттік қызметте» тақырыбындағы байқауға мемлекеттік органдарда қызмет істейтін мамандар тартылып, жалпы саны 12 командадан 40 мемлекеттік қызметші қатысты. Қатысушылар төрт кезең бойынша сынға түсті.

Алғашқы «Тұсаукесер» кезеңінің талабы бойынша қатысушы командалар атауын, ұраны, байқауға қатысудағы мақсат-міндеттерін айтып өтті. «Жер-судың аты – тарихтың хаты» атты екінші кезең команда капитандарының сайысына негізделді. Жеңістен үміткерлер жердің атауын, еліміздің қай өңірінде орналасқанын айта келіп, қысқаша тарихи сипаттамасын беріп өтті. Үшінші топтық кезең «Конституцияны білесіз бе?» деп аталды. Яғни, сәйкесінше Ата Заңымызға қатысты сұрақтар қойылып, қатысушылар оған мүдірей жауап берулері керек болды.

Байқау қорытындысы бойынша Қамысты ауданының «Руханият» командасы «Заң білгірлері» номинациясымен, Амангелді ауданының «Алаш елі» командасы «Өлкетанушылар тобы» номинациясымен, Науырзым ауданының «Қасиетті мекен» командасы «Шығармашыл топ» номинациясымен марапатталды. Ал жүлделі І орынға Арқалық қаласынан келген «Аманат» командасы, ІІ орынға Ұзынкөл ауданының «Сұңқар» командасы ие болса, ІІІ орынды Сарыкөл ауданынан келген «Сұңқар-2» командасы қанжығасына байлады. Командалар дипломдар және Алғыс хаттармен, сыйлықтармен марапатталды.

Алтын
ТАШМАҒАНБЕТОВА,
«Тілдарын» облыстық
тілдерді оқыту
орталығының әдіскері,
Қостанай қаласы