Өмірді құтқару – жауапты миссия

Выпуск - №25-26(573-574) : 07.08.2023

752

Қостанайдағы Жедел-құтқару жасағының базасында қаламыздағы №14 орта мектеп жанындағы лагерьдің демалушы оқушылары үшін ашық есік күні өткізілді. Қатысқн балалардың жасе ерекшелігі – 6 жастан 12 жасқа дейін.

Экскурсия УАЗ және ТРЭКОЛ апаттық-құтқару көлігі сияқты арнайы құтқару техникасын көрсетуден басталды. Көрсетілген автокөлік авариялық-құтқару жұмыстарын жүргізу және зардап шеккендерге дәрігерге дейінгі көмек көрсету үшін қолданылатын авариялық-құтқару құралдарымен, жабдықтармен, алғашқы көмек қобдишасымен жабдықталған. Артынша балалар альпинистік құрал-жабдықтармен танысып, оның көмегімен аспалы қоршаулар бойымен қозғалу техникасы көрсетілді.

Пилотсыз ұшу аппараты да балалардың ерекше қызығушылығын тудырғанын айта кеткен жөн. Экскурсиядан соң «Су айдындарындағы қауіпсіздік ережелері» тақырыбында әңгімелер өткізілді. Балалар мен мұғалімдердің айтуынша, мұндай іс-шаралардың танымдық жағы мол. Құтқарушылар да мұндай тәжірибе балаларға өмірде пайдалы болатынына сенімді.

«Қостанай облысы ТЖД
ӨСжАҚЖҚ» ММ
Жедел-құтқару жасағы